मुंबई : महाराष्ट्र राज्य माध्यमिक व उच्च माध्यमिक शिक्षण मंडळाने (MSBSHSE) इयत्ता 10वीचा (SSC) निकाल आज जाहीर केला आहे. यंदा राज्याचा एकूण निकाल 92.09 टक्के इतका लागला असून मागील वर्षाच्या तुलनेत थोडी घट नोंदवली गेली आहे. गेल्या वर्षी हा निकाल 94.10 टक्के होता.
या वर्षीच्या निकालात मुलींनी पुन्हा एकदा मुलांपेक्षा सरस कामगिरी केली आहे. मुलींचा उत्तीर्ण दर 94.96 टक्के असून मुलांचा उत्तीर्ण दर 89.56 टक्के इतका नोंदवण्यात आला आहे.
निकाल कसा पाहाल?
विद्यार्थी आपला निकाल अधिकृत वेबसाइटवर पाहू शकतात. त्यासाठी खालील प्रक्रिया आहे:
अधिकृत वेबसाइटवर जा –
mahahsscboard.in
होमपेजवरील “View SSC Result” या पर्यायावर क्लिक करा.
नवीन पेज उघडल्यानंतर सीट नंबर आणि आईचे नाव प्रविष्ट करा.
“View Result” वर क्लिक करा
निकाल स्क्रीनवर दिसेल, तो डाउनलोड करून प्रिंट काढू शकता
इतर पर्याय-
निकाल फक्त वेबसाइटवरच नाही तर इतर माध्यमातूनही उपलब्ध आहे. विद्यार्थ्यांना:
एसएमएसद्वारे निकाल मिळू शकतो
डिजिलॉकरवरूनही मार्कशीट पाहता येते
तसेच महाराष्ट्र बोर्डच्या मोबाइल अ‍ॅपद्वारेही निकाल तपासता येतो
यंदाचा निकाल जाहीर होताच विद्यार्थी आणि पालकांमध्ये उत्साहाचे वातावरण पाहायला मिळत आहे.
