मनपा निवडणुकीसाठी महिला आरक्षण सोडत ३१ मे ला

१ जूनला होणार प्रारूप प्रसिद्ध : ६ जूनपर्यंत नोंदविता येणार हरकती व सूचना

नागपूर : नागपूर महानगरपालिकेच्या सन २०२२ मध्ये होणा-या सार्वत्रिक निवडणुकीसाठी ३१ मे रोजी महिला आरक्षणाची सोडत काढली जाणार आहे. मंगळवारी (ता.३१) रेशीमबाग येथील कविवर्य सुरेश भट सभागृहामध्ये सकाळी १० वाजता महिलांच्या अनुसूचित जाती, अनुसूचित जमाती व सर्वसाधारण प्रवर्गाचे आरक्षण निश्चित करण्याकरिता सोडत काढली जाणार आहे.

महिला आरक्षणाची सोडत काढल्यानंतर बुधवार १ जून रोजी आरक्षणाचे प्रारुप प्रसिद्ध केले जाईल. आरक्षणाबाबत हरकती व सूचना असल्यास त्या १ ते ६ जून या कालावधीत दुपारी 3.00 वाजतापर्यंत महानगरपालिका आयुक्त यांच्याकडे निवडणूक कार्यालय किंवा संबंधित प्रभाग कार्यालयाच्या मुख्यालयात सादर करावे लागणार आहे, अशी सूचना मनपा आयुक्त राधाकृष्णन बी. यांनी जारी केली आहे.