नागपूर : चार वर्षीय चिमुकलीला आईच्या प्रियकराने सिगारेटचे चटके दिल्याची धक्कादायक घटना घडली आहे. वाडी पोलिस ठाण्याच्या हद्दीत ही घटना घडली असून आरोपीविरोधात गुन्हा दाखल करण्यात आला आहे. संकेत रमेश उत्तरवार (३२, वडधामना) असे आरोपीचे नाव आहे. तो काही काळाअगोदर पती गमावलेल्या एका महिलेसोबत वडधामना परिसरातच राहतो. त्या महिलेला सहा वर्ष व चार वर्षांचे वय असलेली दोन मुले आहेत.

स्वतःची मुले नसल्याने तो नेहमी त्या मुलांना मारहाण करायचा. तसेच चार वर्षाच्या चिमुकलीचा अमानुष छळ करत त्याने तिच्या सर्वांगाला सिगारेटचे चटके दिल्याची माहिती आहे. यासंदर्भात चिमुकलीच्या आजीला ही कळली असता तिने थेट वाडी पोलिस ठाणे गाठले व आरोपीविरोधात तक्रार केली

Gold Rate

June 09 2026 - Time 10.30Hrs

Gold 24 KT ₹ 152,700 /-

Gold 22 KT ₹ 1,41,600 /-

Silver/Kg ₹ 2,43,900/-

Platinum ₹ 88,000/-

Recommended rate for Nagpur sarafa Making charges minimum 13% and above

पोलिसांनी लगेच शोधमोहीम राबविली व संकेतला अटक केली आहे. तो एमआयडीसीतील एका कंपनीत काम करतो. तसेच तो लिव्ह इनमध्येच राहत होता, अशी माहिती वाडी पोलिस ठाण्याचे वरिष्ठ पोलिस निरीक्षक प्रदीप रायनवार यांनी दिली. पोलिसांनी संकेतविरोधात अल्पवयीन न्याय कायद्याअंतर्गत गुन्हा दाखल केलाअसून पुढील तपास सुरु केला आहे.