नागपूर : नागपूर शहरातील प्रभाग २६मधील विविध भागांमध्ये पाणी पुरवठ्यासंदर्भात नागरिकांच्या तक्रारी असून या तक्रारी तातडीने सोडवून पाणी पुरवठा सुरळीत करण्यात यावा, अशी सूचना प्रभाग २६चे नगरसेवक ॲड.धर्मपाल मेश्राम यांनी केली.
प्रभाग २६च्या पाणी प्रश्नासंदर्भात त्यांनी जलप्रदाय विभाग व ओसीडब्ल्यूच्या अधिका-यांची बैठक घेतली. यावेळी ओसीडब्ल्यूचे डेलिगेट अजय घरजळे, ओसीडब्ल्यूचे झोनल प्रमुख श्री ठाकूर, श्री सांबारे, प्रभाग अध्यक्ष राजेश संगेवार, सुरेश बारई आदी उपस्थित होते.
Gold Rate
May 04- 2026 - Time 10.30Hrs
प्रभाग २६ अंतर्गत धरती मॉ नगर, विश्वशांती नगर, पवनशक्ती नगर, साहील नगर, अंतुजी नगर, अब्बुमीया नगर, न्यू सुरज नगर, तुलसी नगर आदी वस्त्यांमध्ये नियमित पाणी पोहचविण्याची कार्यवाही करणे, ज्या ठिकाणी नेटवर्क नाही अशा ठिकाणी टॅंकरच्या फे-या वाढविणे, धरती मॉ-श्रावण नगर येथील लाईनची टेस्टींग घेणे यासह ग्राहकांना लवकरात लवकर डिमांड पोहोचविण्याबाबत कार्यवाही करण्याचे निर्देश नगरसेवक ॲड.धर्मपाल मेश्राम यांनी बैठकीत दिले.
