नागपूर : पंतप्रधान नरेंद्र मोदी यांनी नागरिकांना इंधनाची बचत करण्याचे आवाहन केल्यानंतर देशभरात पेट्रोल-डिझेल दरवाढीची चर्चा सुरू झाली होती. केंद्र सरकारने देशात तब्बल ६० दिवसांचा इंधनसाठा उपलब्ध असल्याचा दावा केल्यानंतर नागपूरकरांचे लक्ष इंधन दरांकडे लागले होते. मात्र, आज जाहीर झालेल्या नव्या दरांनुसार नागपुरात पेट्रोल आणि डिझेलचे दर जैसे थे ठेवण्यात आले आहेत.
१३ मे रोजी नागपुरात पेट्रोलचा दर १०४.०२ रुपये प्रति लिटर तर डिझेलचा दर ९०.५८ रुपये प्रति लिटर इतका कायम आहे. त्यामुळे सध्या तरी वाहनचालकांना कोणताही अतिरिक्त आर्थिक भार सहन करावा लागणार नाही.
Gold Rate
May 13- 2026 - Time 10.30Hrs
दरम्यान, आंतरराष्ट्रीय बाजारात कच्च्या तेलाच्या किंमतींमध्ये मोठी वाढ झाली आहे. ब्रेंट क्रूडचा दर प्रति बॅरल १०५ डॉलरच्या पुढे गेल्याने आगामी काळात भारतातील इंधन दरांवर दबाव वाढण्याची शक्यता व्यक्त केली जात आहे. मध्य-पूर्वेतील वाढता तणाव आणि पुरवठ्यावरील अनिश्चिततेमुळे जागतिक बाजार अस्थिर झाला आहे.
महाराष्ट्रातील प्रमुख शहरांतील दर-
नागपूर : पेट्रोल १०४.०२ रुपये, डिझेल ९०.५८ रुपये
मुंबई : पेट्रोल १०३.५० रुपये, डिझेल ९०.०३ रुपये
पुणे : पेट्रोल १०३.८२ रुपये, डिझेल ९०.३५ रुपये
नाशिक : पेट्रोल १०४.५० रुपये, डिझेल ९१.०२ रुपये
कोल्हापूर : पेट्रोल १०४.४९ रुपये, डिझेल ९१.०४ रुपये
दरम्यान इंधन दर स्थिर असले तरी आंतरराष्ट्रीय बाजारातील परिस्थिती पाहता पुढील काही दिवस महत्त्वाचे ठरणार असल्याचे जाणकारांचे मत आहे.
