नागपूर : गेल्या तीन दिवसांपासून बेपत्ता असलेल्या मुलीचा मृतदेहच पारडी पोलिस ठाण्यांतर्गत असलेल्या रेल्वे क्रॉसिंगजवळील खड्ड्यातील पाण्यात तरंगताना आढळल्यामुळे खळबळ उडाली आहे. संचिता प्रमोद पाटील (वय १५, रा. आराधनानगर, बिडगाव) असे मृत मुलीचे नाव आहे.
माहितीनुसार,संचित ही इयत्ता दहावीची विद्यार्थिनी होती. संचिता मंगळवार २१ नोव्हेंबरला रात्री १२:३० वाजता घरी न दिसल्यामुळे नातेवाइकांनी तिचा शोध घेतला. परंतु, ती कोठेच आढळली नाही.
Gold Rate
Apr 25 2026 - Time 10.30Hrs
अखेर नातेवाइकांनी वाठोडा पोलिस ठाण्यात कलम ३६३ नुसार गुन्हा दाखल केला होता. दरम्यान, शुक्रवारी सकाळी १०:४५ वाजेच्या पूर्वी तिचा मृतदेह पारडी पोलिस ठाण्याच्या हद्दीत नागेश्वरनगर रेल्वे क्रॉसिंग जवळील खड्ड्यातील पाण्यात तरंगताना दिसला. पोलिसांनी तिचा मृतदेह पाण्याच्या बाहेर काढून मृतदेह शवविच्छेदनासाठी मेयो रुग्णालयात पाठविला.याप्रकरणी अकस्मात मृत्यूची नोंद केली असून अंकिता पाण्याच्या खड्ड्यात पडली की तिचा घातपात करण्यात आला याचा शोध पारडी पोलिसांकडून सुरु करण्यात आला आहे.
