Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Nagpur City No 1 eNewspaper : Nagpur Today

| | Contact: 8407908145 |
Published On : Wed, Jan 16th, 2019

इमर्जन्सी ब्रेकडाऊन: महादुला पंपिंग स्टेशन येथील १४००मिमी व्यासाच्या वाहिनीवर गळती

आशीनगर, धंतोली व हनुमान नगर झोनचा पाणीपुरवठा राहणार बाधित

नागपूर: महादुला येथील पंपिंग हाऊस परिसरात स्थित १४००मिमी व्यासाच्या पहिल्या टप्प्याच्या जलवाहिनीच्या जोडणीत मोठी गळती सुरु झालेली आहे.

मनपा-OCW यांनी या गळतीच्या दुरुस्तीचे काम १५ जानेवारीच्या मध्यरात्रीपासुनच युद्धपातळीवर हाती घेतले आहे. गळती शोधण्याच्या कामावर कर्मचारी रुजू झालेले आहेत.

मात्र, तातडीचा उपाय म्हणून मनपा-OCW यांनी १६ जानेवारी २०१९ रोजी पहाटे ४ वाजतापासून नवेगाव-खैरी पंपिंग स्टेशन येथून पंपिंग पूर्णपणे बंद केले आहे. यामुळे पेंच ४ जलशुद्धीकरण केंद्र, गोधनी येथूनदेखील पंपिंग बंद झाले आहे.

या इमर्जन्सी ब्रेकडाऊनमुळे आशीनगर, धंतोली व हनुमान नगर झोनमधील भागांचा पाणीपुरवठा बाधित राहण्याची शक्यता आहे.

बाधित भागांना पुढील ४८ तास मर्यादित व कमी दाबाने पाणीपुरवठा होईल.

महादुला येथील दुरुस्तीच्या कामांना आणखी काही तासांचा अवधी लागणार असून १६ जानेवारीच्या सायंकाळपर्यंत हे काम पूर्ण होऊ शकते.

Stay Updated : Download Our App
Mo. 8407908145