नागपूर : लकडगंज पोलीस ठाण्यांतर्गत आंबेडकर चौक येथील चाप्रू लोक येथे राहणाऱ्या रितेश वाघवानी या तरुणाने कर्जबाजारीपणाला कंटाळून विवारी रात्री गळफास घेऊन आत्महत्या केली. धक्कादायक म्हणजे, रितेशच्या मृत्यूने दुखी झालेल्या त्यांच्या आईनेही सोमवारी सकाळी विष प्राशन करून स्वतःची जीवनयात्रा संपविली.
पोलीस सूत्रांनी दिलेल्या माहितीनुसार, क्रिकेट जुगारात गुंतल्यामुळे रितेश कर्जबाजारी झाला होता. शेवटी याला कंटाळून त्याने जीवन संपवण्याचे टोकाचे पाऊल उचलले. मात्र त्याच्या या निर्णयामुळे रितेशच्या आईला मोठा धक्का बसला.
या घटनेमुळे परिसरात खळबळ उडाली असून जुगाराच्या व्यसनामुळे त्याला बळी पडणाऱ्या व्यक्तीचे आणि त्याच्या प्रियजनांचे किती नुकसान होते हे अधोरेखित झाले आहे.
दरम्यान, याप्रकरणी पोलिसांनी आकस्मिक मृत्यूची नोंद केली असून पुढील तपास सुरू केला आहे.