नागपूर : एकीकडे शहरात हिवाळी अधिवेशन सुरू असून संपूर्ण नागपुरात कडेकोट पोलीस बंदोबस्त तैनात करण्यात आला आहे. तर दुसरीकडे अजनी पोलीस ठाण्याच्या हद्दीतील दुहेरी हत्याकांडाची घटना घडल्याचे समोर आले आहे.
येथील रामटेके नगरमध्ये शुक्रवारी झालेल्या वादातून सशस्त्र हल्लेखोरांनी पिता-पुत्राची हत्या केली.
या घटनेने महाराष्ट्राची उपराजधानी असलेल्या नागपुरात कायदा व सुव्यवस्थेवर पुन्हा एकदा प्रश्नचिन्ह निर्माण झाले आहे. नागपुरात विधानसभेचे हिवाळी अधिवेशन सुरू आहे.
Gold Rate
27 Oct 2025
पोलीस सूत्रांनी दिलेल्या माहितीनुसार, मृत पिता सावरकर फर्निचरचे मालक आहेत. एका दिवसापूर्वी आरोपींसोबत त्यांचा वाद झाला होता, त्यानंतर आरोपीने त्यांच्यावर धारदार शस्त्रांनी हल्ला केला आणि ते जागीच ठार झाले.
या भांडणात एक आरोपी जखमी झाला असल्याची माहिती पोलिसांनी दिली. आरोपीविरुद्ध खुनाचा गुन्हा दाखल करण्यात आला असून अजनी पोलिसांनी पुढील तपास सुरू आहे.
