मुंबई : दिव्यांग बांधवांच्या मानधनासंदर्भातील शासन निर्णयावरून शिवसेना शिंदे गटाचे आमदार बच्चू कडू यांनी राज्य सरकारवर जोरदार टीका केली आहे. संबंधित जीआर तात्काळ रद्द करावा, अन्यथा 19 मे रोजी मंत्रालयात आंदोलन छेडण्यात येईल, असा इशारा त्यांनी दिला आहे.
दिव्यांगांना यूटीआय कार्ड अनिवार्य करण्याच्या निर्णयामुळे अनेक लाभार्थी मानधनापासून वंचित राहत असल्याचा आरोप बच्चू कडू यांनी केला. “जोपर्यंत यूटीआय कार्ड मिळत नाही, तोपर्यंत पगार किंवा मानधन देऊ नये, असा निर्णय शासनाने घेतला आहे.
Gold Rate
May 11- 2026 - Time 10.30Hrs
मात्र सरकारकडेच यूटीआय कार्ड देण्याची सक्षम यंत्रणा नाही. त्यामुळे हजारो दिव्यांगांना कार्ड मिळत नाही आणि त्यांचे मानधन थांबते. हा अत्यंत चुकीचा निर्णय आहे,” असे ते म्हणाले.
यासंदर्भात आपण उपमुख्यमंत्री Eknath Shinde तसेच संबंधित सचिवांशी चर्चा केल्याचेही त्यांनी सांगितले. दोन वेगवेगळे जीआर काढल्यामुळे जवळपास 50 टक्के दिव्यांग बांधव मानधनापासून वंचित राहत असल्याचा दावा त्यांनी केला.
“दिव्यांगांना न्याय मिळाला नाही तर 19 मे रोजी मंत्रालयात आंदोलन करू,” असा थेट इशाराही बच्चू कडू यांनी सरकारला दिला आहे.
