रामटेक:-रामटेक पंचायत समिती केंद्र मनसर अंतर्गत उच्च प्राथमिक कांद्री शाळेत विद्यार्थ्यांना निबंधस्पर्धेतील प्रमाणपत्र वितरण कार्यक्रम पार पडला. वेध प्रतिष्ठान ,नागपूर व्दारा जि.प.च्या विद्यार्थ्यांकरीता वेध वृक्षसंवर्धनाचा -जिल्हास्तरीय निबंध स्पर्धेचे आयोजन करण्यांत आले.
‘वृक्ष माझा सखा व ‘वृक्षसंवर्धनात माझी भूमिका’या विषयावरील आयोजित स्पर्धेत विद्यार्थ्यांनी उत्स्फुर्त सहभाग घेतला.मुख्याध्यापक प्रशांत जांभुळकर यांच्या मार्गदर्शनात अब्दुल कलाम वाचन कट्टा अंतर्गत निबंधाचे वाचन करण्यांत आले .
Gold Rate
26 dec 2025
प्रियंका भिलावे,रोहन लांजेवार,वैष्णवी बकाल, माधवी मुळेवार, शेजल जमखुरे,मोनिका धुर्वे,प्रिया बर्वे व अश्विनी भिलावे यांनी यात सहभाग घेतला. प्राविण्याबद्धल प्रमाणपत्रांचे वितरण करण्यांत आले.केंद्रप्रमुख राजकुमार पचारे सह शिक्षिका निलिमा डेकाटे,ज्योती जांभुळकर अशोक चवरे यांची उपस्थिति लाभली.कार्यक्रमाचे संचालन पूजा ताकोद व आभार पुर्वा मोरेशिया विद्यार्थ्यांनी केले.
