नागपूर : शहरात चोरीच्या घटना दिवसेंदिवस वाढतच चालल्या आहेत. आता चोरटयांनी डिझेल -पेट्रोलवर डल्ला मारण्यास सुरुवात केली. हुडकेश्वर पिपळा रोडवर रात्रीला डिझेल पेट्रोल चोरीच्या घटना समोर येत आहे.
डिझेल चोरांकडून चोरी केली जात असताना सीसीटीव्हीमध्ये ते कैदही झाले आहे. सीसीटीव्हीतील छायाचित्रानुसार दोन युवक दुचाकीवर येऊन ट्रकच्या डिझेलची टाकी फोडून चोरी करतांना दिसत आहे. या चोरट्यांनी डिझेलची चोरी केल्यानंतर हुडकेश्वर परिसरातून दुचाकीने जात असल्याचेही दिसत आहे.
Gold Rate
21 Oct 2025
मागील १०-१५ दिवसांपासून चोरीच्या घटना घडत आहेत. . स्थानिक लोकांनी यासंदर्भात संबंधित पोलीस ठाण्याला सूचनाही दिल्या आहेत. रात्रीच्या वेळी या रस्त्यावर वाहनांची वर्दळ नसल्याने चोरट्यांनी डिझेल -पेट्रोलची चोरी करण्यास सुरुवात केली आहे. त्यामुळे या परिसरात पोलिसांची नियमित पेट्रोलिंग व्हावी, अशी मागणी स्थानिकांनी केली आहे.
