Published On : Mon, Mar 3rd, 2025
By Nagpur Today Nagpur News

लाडक्या बहिणींना ‘या’ महिन्यापासून मिळू शकतात २१०० रुपये; सरकारकडून अर्थसंकल्पात होऊ शकते घोषणा

Advertisement

नागपूर: महाराष्ट्र विधानसभा निवडणुकीत महायुतीला लाडकी बहीण योजनेमुळे बहुमत मिळाले. आता या योजनेअंतर्गत महिलांना २१०० रुपये देण्याचे आश्वासन सरकार पूर्ण करणार आहे. यासंदर्भात स्वतः मुख्यमंत्री देवेंद्र फडणवीस यांनी माहिती दिली.

फडणवीस म्हणाले की, राज्यातील लाडकी बहीण योजना बंद होणार नाही. या योजनेसाठी पात्र महिलांना पैसे दिले जातील. परंतु नियमाबाहेर असलेल्यांना या योजनेतून बाहेर ठेवावे लागेल. कारण कॅगने या संदर्भात आमच्यावर जबाबदारी टाकली आहे.

Gold Rate
Thursday 13 March 2025
Gold 24 KT 87,100 /-
Gold 22 KT 81,000 /-
Silver / Kg 99,100 /-
Platinum 44,000 /-
Recommended rate for Nagpur sarafa Making charges minimum 13% and above

त्यानुसार, कोणत्याही योजनेअंतर्गत पात्र लोकांनाच मदत दिली जाईल. अपात्र लोकांना मदत करता येणार नाही. त्यामुळे त्यात कोणतीही कपात केली जाणार नाही.

विधानसभा निवडणुकीदरम्यान महायुतीने लाडकी बहीण योजनेसाठी २,१०० रुपये देण्याचे आश्वासन दिले होते. सध्या, या योजनेअंतर्गत पात्र महिलांना दरमहा १,५०० रुपये दिले जातात. आता ते २,१०० रुपयांपर्यंत वाढवण्याचा निर्णय याच अर्थसंकल्पीय अधिवेशनात होण्याची शक्यता आहे. अर्थमंत्री अजित पवार यांनी यासंदर्भात आधीच संकेत दिले होते.

Advertisement
Advertisement