मुंबई : देशातील वाढत्या इंधन संकटाच्या आणि जागतिक आर्थिक परिस्थितीच्या पार्श्वभूमीवर पंतप्रधान Narendra Modi यांनी काटकसरीचे आवाहन केल्यानंतर आता महाराष्ट्र सरकारही ‘ॲक्शन मोड’मध्ये आले आहे. मुख्यमंत्री Devendra Fadnavis यांनी इंधन बचतीसाठी प्रशासकीय आणि राजकीय स्तरावर कडक पावले उचलण्याचे संकेत दिले आहेत.

मुख्यमंत्री फडणवीस आज महत्त्वाची बैठक घेणार असून, राज्यात इंधन बचतीसाठी कोणते उपाय अमलात आणता येतील यावर सविस्तर चर्चा होणार आहे. मंत्र्यांच्या ताफ्यातील वाहनांची संख्या कमी करणे, अधिकाधिक ऑनलाईन बैठका घेणे, तसेच सरकारी प्रवासांवर निर्बंध आणणे यासारख्या पर्यायांवर विचार केला जाणार असल्याची माहिती सूत्रांनी दिली आहे.

Gold Rate

June 09 2026 - Time 10.30Hrs

Gold 24 KT ₹ 152,700 /-

Gold 22 KT ₹ 1,41,600 /-

Silver/Kg ₹ 2,43,900/-

Platinum ₹ 88,000/-

Recommended rate for Nagpur sarafa Making charges minimum 13% and above

मिळालेल्या माहितीनुसार, मुख्यमंत्री फडणवीस यांनी राज्यातील सर्व मंत्री आणि वरिष्ठ सनदी अधिकाऱ्यांचे यापूर्वी मंजूर झालेले परदेश दौरे रद्द करण्याचे निर्देश दिले आहेत. प्रशासकीय कामे, अभ्यास दौरे किंवा आंतरराष्ट्रीय परिषदांसाठी आखण्यात आलेल्या भेटींनाही तात्पुरती स्थगिती देण्यात येणार आहे.

दरम्यान, मुख्यमंत्री यांच्या आवाहनाला मंत्रिमंडळातूनही सकारात्मक प्रतिसाद मिळू लागला आहे. मंत्री Shambhuraj Desai यांनी आपला नियोजित पॅरिस आणि लंडन दौरा तात्काळ रद्द केला आहे. देशातील इंधन बचत मोहिमेला पाठिंबा देण्यासाठी हा निर्णय घेतल्याचे त्यांनी स्पष्ट केले.

फक्त मंत्र्यांचेच नव्हे, तर अनेक वरिष्ठ अधिकाऱ्यांच्या परदेश दौऱ्यांवरही या निर्णयाचा परिणाम होणार आहे. आगामी काळात विविध आंतरराष्ट्रीय बैठका आणि करार ‘व्हिडीओ कॉन्फरन्सिंग’द्वारे पार पाडण्याचे निर्देश देण्यात आले आहेत. यामुळे विमान प्रवासावरील लाखो रुपयांचा खर्च वाचण्यास मदत होणार असून, इंधन बचतीलाही मोठा हातभार लागणार आहे.

राज्य सरकारच्या या निर्णयामुळे प्रशासनात काटकसर आणि जबाबदारीची नवी कार्यपद्धती लागू होण्याची शक्यता व्यक्त केली जात आहे.