नागपूर – लकडगंज पोलिस ठाण्याच्या हद्दीत असलेल्या ‘क्वालिटी वाईन शॉप’ वर बुधवारी रात्री काही अज्ञात व्यक्तींनी शस्त्रधारी हल्ला करत परिसरात प्रचंड दहशत निर्माण केली. या धक्कादायक घटनेनंतर पोलिसांनी तत्काळ कारवाई करत तिघांपैकी दोन आरोपींना अटक केली असून, तिसरा आरोपी सध्या फरार आहे.
अटक करण्यात आलेले आरोपी –
गणेश मांडले (२८) – मुख्य आरोपी; पोलिस कोठडीत
श्याम वसनिक (१९) – आरोपी म्हणून ओळख पटली
एक अल्पवयीन मुलगा – कायदेशीर प्रक्रियेनुसार समज देऊन मुक्त
पोलिसांनी दिलेल्या माहितीनुसार, हल्ला पूर्वनियोजित वाटत असून, यामागचा हेतू अद्याप स्पष्ट झालेला नाही. घटनास्थळाजवळील सीसीटीव्ही फुटेज, साक्षीदारांचे जबाब आणि इतर पुरावे गोळा करून तपास वेगाने सुरू आहे.
Gold Rate
24 July 2025
तिसरा आरोपी फरार , शोध सुरू-
फरार आरोपीने नागपूर सोडण्याचा प्रयत्न केल्याची माहिती पोलिसांना मिळाली आहे. त्याच्या शक्यत असलेल्या ठिकाणी पोलिसांनी छापे टाकण्यास सुरुवात केली आहे. विशेष पथक या आरोपीच्या शोधासाठी तैनात करण्यात आले आहेत.
गंभीर कलमांखाली गुन्हा नोंद-
लकडगंज पोलिसांनी तिन्ही आरोपींविरुद्ध शस्त्र कायदा, दंगल घडवणं, आणि सार्वजनिक शांतता भंग करणं या गंभीर कलमांखाली गुन्हा दाखल केला आहे.
हल्ल्यामुळे व्यापाऱ्यांमध्ये भीती-
ही घटना रात्रीच्या सुमारास घडली, त्यावेळी दुकानात काही ग्राहक उपस्थित होते. अचानक घडलेल्या या हल्ल्यामुळे परिसरात अफरातफर उडाली. स्थानिक व्यापाऱ्यांमध्ये भीतीचे वातावरण निर्माण झाले असून, पोलिसांनी त्या परिसरात गस्त वाढवली आहे. व्यापारी व व्यावसायिक प्रतिष्ठानांना सतर्क राहण्याचे आवाहन करण्यात आले आहे.
पोलिसांचे जनतेला आवाहन –
लकडगंज पोलिसांनी नागरिकांना आवाहन केलं आहे की, या घटनेबाबत कुणाकडे काहीही माहिती असल्यास तात्काळ पोलिस ठाण्याशी संपर्क साधावा. फरार आरोपी लवकरच अटकेत घेतला जाईल, असा विश्वास पोलिसांनी व्यक्त केला आहे.
