गडचिरोली – महाराष्ट्र–छत्तीसगड सीमेवरील दुर्गम जंगल परिसरात सुरू असलेल्या व्यापक माओवादीविरोधी अभियानात सुरक्षा दलांना मोठे यश मिळाले आहे. शुक्रवारी सकाळी झालेल्या चकमकीत तीन माओवादी ठार झाले असून, दुर्दैवाने या कारवाईदरम्यान C-60 दलाचा एक जवान वीरमरण पावला आहे.
पोलीस सूत्रांनी दिलेल्या माहितीनुसार, शुक्रवारी सकाळी आणखी दोन माओवादींचे मृतदेह (एक पुरुष, एक महिला) सापडले. याआधी एका माओवादीचा मृतदेह आढळून आला होता. त्यामुळे आतापर्यंत एकूण तीन माओवादी (दोन पुरुष व एक महिला) ठार झाल्याची खात्री झाली आहे. घटनास्थळावरून एक AK-47 आणि एक SLR रायफल जप्त करण्यात आली आहे. ठार झालेल्या माओवाद्यांची ओळख अद्याप पटलेली नाही.
Gold Rate
June 12 2026 - Time 10.30Hrs
या चकमकीत जखमी झालेल्या C-60 जवान दीपक चिन्ना मडावी (वय ३८) यांना शुक्रवारी सकाळी अबुझमाडच्या घनदाट जंगलातून हेलिकॉप्टरद्वारे उपजिल्हा रुग्णालय, भामरागड येथे आणण्यात आले होते. मात्र, मोहिमेदरम्यान झालेल्या गंभीर जखमांमुळे उपचारादरम्यान त्यांचा मृत्यू झाला. ते अहेरी येथील रहिवासी असून मूळ गाव मांड्रा, दामरांचा (ता. अहेरी) आहे. त्यांच्या निधनाने पोलीस दलात शोककळा पसरली असून, त्यांना वीरमरण प्राप्त झाले आहे.
दरम्यान, या अभियानात जोगा मडावी नावाचा आणखी एक जवान गोळी लागून जखमी झाला होता. त्यालाही हेलिकॉप्टरद्वारे भामरागड येथे हलवण्यात आले आहे. सध्या त्यांची प्रकृती स्थिर असून, पुढील उपचारांसाठी त्यांना लवकरच गडचिरोली येथे हलवण्यात येणार आहे.
घटनास्थळी आणि परिसरात शोधमोहीम अद्याप सुरू असून, जंगल भागात सुरक्षा दलांकडून सतत कॉम्बिंग ऑपरेशन राबवले जात आहे. या कारवाईबाबत गडचिरोली पोलीस प्रशासनाकडून पुढील माहिती देण्यात येणार असल्याचे सांगण्यात आले आहे.
LIVE | NEWS BULLETIN NAGPUR TODAY
रोहित पवार का आंदोलन केवल दिखावा ...#news #latestnews #maharashtra #maharashtranews
कबाड़ से छात्र ने बनाई अनोखी याइक ...#news #latestnews #maharashtranews #maharashtra
कचरे के ढेर में मिली नवजात बच्ची ...#news #crime #latestnews #maharashtra #maharashtranews
LIVE | NEWS BULLETIN NAGPUR TODAY
गोवंश तस्करी गिरोह पर पहली बार मकोका ...#crime #latestnews #nagpurnews #vidarbha #maharashtra
