मुंबई : हिंदी चित्रपटसृष्टीतील ‘ही-मॅन’ धर्मेंद्र यांचे आज निधन झाले. त्यांच्या निधनाने केवळ एका महान अभिनेतेचा काळ संपला असे नाही, तर चित्रपटसृष्टीच्या सुवर्णकाळाला एक मोठा धक्का बसला आहे. मुख्यमंत्री देवेंद्र फडणवीस यांनी या दु:खद घटनेवर भावपूर्ण श्रद्धांजली अर्पण केली आहे.
धर्मेंद्र हे एक असामान्य अभिनेते होते ज्यांनी सुमारे ३०० हून अधिक चित्रपटांमध्ये विविध भूमिका साकारल्या. त्यांच्या अभिनयाचा वेगवेगळ्या छटा, तरुणाईतील जोश, आणि ‘शोले’मधील वीरू सारख्या अमर भूमिकांनी त्यांनी रसिकांच्या मनावर अमिट ठसा उमटवला. ते ‘ही-मॅन’ म्हणून ओळखले जात असले तरी त्यांचा सहृदय स्वभाव आणि मैत्रीपूर्ण वृत्तीही त्यांना लोकांमध्ये अतिशय प्रिय बनवणारी होती.
Gold Rate
May 11- 2026 - Time 10.30Hrs
मुख्यमंत्री फडणवीस यांनी सांगितले की, धर्मेंद्र यांचा चित्रपटप्रवास काळ्या-पांढऱ्या चित्रपटांपासून आधुनिक तंत्रज्ञानाच्या युगापर्यंत चालत राहिला. त्यांनी अभिनयाबरोबरच राजकारणातही भारतीय जनता पक्षाचे खासदार म्हणून योगदान दिले, पण नेहमीच चित्रपटसृष्टीत त्यांचा विशेष सहभाग राहिला.
धर्मेंद्र यांच्या निधनाने त्यांच्या कुटुंबीयांसह संपूर्ण चित्रपटसृष्टी आणि चाहत्यांमध्ये शोककळा पसरली आहे. मुख्यमंत्री देवेंद्र फडणवीस यांनी त्यांच्या आत्म्यास शांती लाभो अशी प्रार्थना केली असून, त्यांच्या कुटुंबीयांना या दु:खासह सामना करण्याची ताकद मिळो अशीही इच्छा व्यक्त केली आहे.
