नागपूर : एमआयडीसी पोलीस ठाण्याच्या हद्दीत साडेतीन वर्षांच्या चिमुकलीवर अत्याचार केल्याची धक्कादायक घटना समोर आली आहे. पीडित मुलगी ही घरमालकाची मुलगी असून, तिच्यावर घरात भाड्याने राहणाऱ्या व्यक्तीने अत्याचार केल्याचा आरोप आहे. घटनेनंतर फरार झालेल्या आरोपीला पोलिसांनी गोंदियातून अटक केली.

अटक करण्यात आलेल्या आरोपीचे नाव समीर उर्फ भुवनेश्वर मोरदेवे (३५) असून तो मूळचा गोंदिया येथील रहिवासी आहे. तो एमआयडीसी परिसरातील एका कंपनीत काम करत होता. मागील सुमारे सहा महिन्यांपासून तो तक्रारदाराच्या घरात भाड्याने राहत होता.

Gold Rate

Aug 26 ,2026 - Time 10.30Hrs

Gold 24 KT ₹ 1 62,400 /-

Gold 22 KT ₹ 1,50,700 /-

Silver/Kg ₹ 2,45,800/-

Platinum ₹ 88,000/-

Recommended rate for Nagpur sarafa Making charges minimum 13% and above

पोलिसांच्या माहितीनुसार, घटनेच्या दिवशी चिमुकली घरासमोर खेळत होती. त्यावेळी आरोपीने तिला फूस लावून घरातील स्नानगृहात नेले आणि तिच्यावर अत्याचार केल्याचा आरोप आहे. त्यानंतर संध्याकाळी मुलीने पोटदुखीची तक्रार आईकडे केली. कुटुंबीयांनी तिला रुग्णालयात दाखल केले असता वैद्यकीय तपासणीत अत्याचार झाल्याचे समोर आले.

यानंतर कुटुंबीयांनी एमआयडीसी पोलीस ठाण्यात तक्रार दाखल केली. प्रकरण समोर येताच आरोपी फरार झाला होता. पोलिसांनी तपासाची चक्रे वेगाने फिरवत त्याचा शोध घेतला आणि गोंदियातून त्याला अटक केली. या प्रकरणाचा पुढील तपास एमआयडीसी पोलीस करत आहेत.