Advertisement
नागपूर : अंबाझरी येथील पांजराबोडी परिसरात एका आरोपीने किरकोळ वादातून महिलेवर चाकूने जीवघेणा हल्ला केल्याची घटना घडली. या हल्ल्यात महिला गंभीर जखमी झाली आहे. जखमी महिलेच्या तक्रारीवरून पोलिसांनी आरोपी शुभम सोनोने (24) यांच्याविरोधात तक्रार दाखल केली होती.
अंबाझरीचे वरिष्ठ एसएचओ गजानन कल्याणकर यांच्या मार्गदर्शनाखाली आरोपीवर कारवाई करून त्याला अटक करण्यात आली आहे.
माहितीनुसार आरोपी शुभम हा दारूच्या नशेत वस्तीत गोंधळ घालायचा. काही दिवसांपूर्वी त्याने एका महिलेसोबत वाद घालण्यास सुरूवात केली. हा वाद इतका विकोपाला गेला की त्याने महिलेवर चाकूने हल्ला केला. यात महिला गंभीर जखमी झाली असून तिच्यावर रुग्णालयात उपचार सुरु आहे. याप्रकरणी पोलिसांनी आरोपीला अटक केली असून पुढील तपास सुरु आहे.
Advertisement
Advertisement
