नागपूर : जिल्हा व सत्र न्यायालयाच्या आवारात चाकू घेऊन घुसलेल्या कुख्यात गुन्हेगाराला सदर पोलिसांनी शुक्रवारी सायंकाळी खापरखेडा येथून अटक केली. स्वप्नील जसवंत गजभिये, (वय 28 वर्षीय, जय भोले नगर, खापरखेडा )असे अटक करण्यात आलेल्या व्यक्तीचे नाव आहे.
पोलीस सूत्रांनी दिलेल्या माहितीनुसार, पीआय सिरसाट, एपीआय तायडे, पीसी सुनील तिवारी, डब्ल्यूपीसी उज्ज्वला कोठाडे, पीसी राजेंद्र सरगणे यांचा समावेश असलेले सदर पोलिसांचे पथक न्यायालयात कर्तव्यावर असताना त्यांना सायंकाळी 5.45 च्या सुमारास एक संशयित तरुण आवारात शिरताना दिसला.
पोलिसांनी त्याला तात्काळ पकडून विचारपूस केली. कोर्टात त्याच्या उपस्थितीचे कारण काय ?
Gold Rate
28 April 2025
असा प्रश्न त्या संशयिताला विचारला. सामानाची झडती घेतली असता त्याच्या बॅगेत चाकू आढळून आला. त्याची ओळख विचारली असता त्याने आपण खापरखेडा येथील स्वप्नील गजभिये असल्याचा दावा केला.
गजभिये हा गुन्हेगारी पार्श्वभूमीचा असून डेटाबेसमधील त्याच्या प्रोफाईलची अधिक छाननी केली असता त्याच्यावर अनेक गंभीर गुन्हे दाखल असल्याचे समोर आले. त्यामुळे पोलिसांनी गजभियेविरुद्ध शस्त्रास्त्र कायद्यांतर्गत गुन्हा दाखल करून त्याला ताब्यात घेतले.याप्रकरणी सध्या पुढील तपास सुरू आहे.
