नागपूर: एकीकडे नागरिक उन्हाच्या झळ्यांनी हैराण झाले असताना नागपुरात सायंकाळी ५ वाजताच्या सुरमारास विजांच्या कडकडासह जोरदार पावसाने हजेरी लावली. त्यामुळे वातावरणात गारवा निर्माण झाला आहे.
गेल्या दोन दिवसापासून जिल्ह्यात नागपुरात उन्हाळा चांगलाच तापायला सुरुवात झाली आहे. शनिवारी ४० व रविवारी ४० अंश सेल्सिअस तापमानाची नोंद घेण्यात आली. त्यानंतर सोमवारी पुन्हा उन्हाचा पारा चढला होता मात्र आज ढगांच्या गडगडाटासह पावसाने हजेरी लावल्याने नागपूरकरांना उकाड्या पासून काहीसा दिलासा मिळाला आहे.
