नागपूर : शहरातील जामठा परिसरात इंजिनीअरिंगच्या विद्यार्थिनीवर एका नराधमाने कुऱ्हाडीचा धाक दाखवून बलात्कार केल्याची धक्कादायक घटना घडली. या घटनेतील आरोपीचा तिसऱ्या दिवशीदेखील शोध लागू शकलेला नाही. आरोपीच्या शोधासाठी दोनशेहून अधिक पोलिस कर्मचाऱ्यांकडून विविध ठिकाणी शोध सुरू आहे.
मात्र अद्यापही पोलिसांना आरोपीला पकडण्यात यश आले नाही. इंजिनीअरिंगच्या विद्यार्थिनीवर बलात्काराच्या घटनेमुळे शहरात खळबळ निर्माण झाली. त्यामुळे राज्याच्या उपराजधानीत महिला सुरक्षिततेचा प्रश्न ऐरणीवर आला आहे.
Gold Rate
15 May 2025
दरम्यान पीडित २२ वर्षीय तरुणी मूळची यवतमाळची आहे. ती हिंगण्यातील एका अभियांत्रिकी महाविद्यालयाची विद्यार्थिनी आहे. बुधवारी ती यवतमाळवरून बसने नागपुरात आली.
महाविद्यालय काही अंतरावर असल्यामुळे पायी जात होती. तो भाग जंगलाचा आहे. काही वेळातच एक गुराखी कुऱ्हाड घेऊन पाठलाग करायला लागला. त्याने तरुणीला गाठले त्यानंतर कुऱ्हाडीचा धाक दाखवून जंगलात नेऊन तिच्यावर बलात्कार केला.
