नागपूर : नागपूर महानगरपालिका विषय समित्यांच्या सभापती आणि उपसभापती पदाच्या निवडीसाठी शुक्रवार २६ फेब्रुवारी रोजी नामांकन अर्ज दाखल करण्यात येणार असून यासाठी होणारी निवडणूक १ मार्च रोजी विविध समित्यांसाठी ठरवून दिलेल्या वेळेत पार पडेल.
महाराष्ट्र महानगरपालिका अधिनियमातील तरतुदीनुसार विविध विषय समित्यांसाठी ही निवडणूक होणार आहे. यामध्ये स्थापत्य व प्रकल्प विशेष समिती, वैद्यकीय सेवा व आरोग्य विशेष समिती, विधी व सामान्य प्रशासन विशेष समिती, शिक्षण विशेष समिती, गलिच्छ वस्ती निर्मूलन व घरबांधणी विशेष समिती, क्रीडा विशेष समिती, महिला व बालकल्याण विशेष समिती, जलप्रदाय विशेष समिती, कर आकारणी व कर संकलन विशेष समिती, अग्निशमन व विद्युत विशेष समिती आदी समितींचा समावेश आहे. सर्व समितींच्या सभापती व उपसभापती पदासाठी शुक्रवार २६ फेब्रुवारी रोजी सकाळी १० ते दुपारी १ या वेळेत मनपा मुख्यालयातील स्व. डॉ. पंजाबराव देशमुख स्मृती स्थायी समिती सभागृहात उमेदवारांना नामनिर्देशनपत्र सादर करता येतील. उमेदवारांची यादी उक्त वेळेनंतर सचिव कार्यालय येथे प्रकाशित करण्यात येईल.
Gold Rate
22 Sept 2025
सभापती, उपसभापती पदांसाठी १ मार्च रोजी स्व. डॉ. पंजाबराव देशमुख स्मृती स्थायी समिती सभागृहात विविध समित्यांसाठी ठरवून दिलेल्या वेळेत जिल्हाधिकारी तथा पीठासीन अधिकारी यांच्या अध्यक्षतेखाली व्हिडिओ कॉन्फरंसिंगद्वारे निवडणूक होईल.
स्थापत्य व प्रकल्प विशेष समितीची निवडणूक सकाळी ११ वाजता, वैद्यकीय सेवा व आरोग्य विशेष समितीची निवडणूक सकाळी ११.२० वाजता, विधी व सामान्य प्रशासन विशेष समितीची निवडणूक सकाळी ११.४० वाजता, शिक्षण विशेष समितीची निवडणूक दुपारी १२ वाजता, गलिच्छ वस्ती निर्मूलन व घरबांधणी विशेष समितीची निवडणूक दुपारी १२.२० वाजता, क्रीडा विशेष समितीची निवडणूक दुपारी १२.४० वाजता, महिला व बालकल्याण विशेष समितीची निवडणूक दुपारी १ वाजता, जलप्रदाय विशेष समितीची निवडणूक दुपारी १.२० वाजता, कर आकारणी व कर संकलन विशेष समितीची निवडणूक दुपारी १.४० वाजता तर अग्निशमन व विद्युत विशेष समितीची निवडणूक दुपारी २ वाजता पार पडेल, अशी माहिती नागपूर महानगरपालिकेच्या निगम सचिव डॉ. रंजना लाडे यांनी दिली.
