Advertisement
३ प्रतिष्ठानांवर उपद्रव शोध पथकाची कारवाई
नागपूर : नागपूर महानगरपालिकेच्या उपद्रव शोध पथकाने मंगळवारी (ता. २१ डिसेंबर) प्लास्टिक पतंग विरोधात कारवाई करीत ६५ प्लास्टिक पतंग आणि ५२ नॉयलॉन मांजा जप्त केले. या कारवाईत १०,०००/- रुपये दंड वसूल करण्यात आला. उपद्रव शोध पथकाद्वारे लक्ष्मीनगर आणि धंतोली झोनमधील १० पतंग दुकानांची तपासणी करुन ६५ प्लास्टिक पतंग आणि ५२ नॉयलॉन मांजा जप्त करण्यात आले. शोध पथकाने १० झोन मध्ये ५४ दुकानांची तपासणी केली.
याशिवाय उपद्रव शोध पथकाने ३ प्रतिष्ठानांवर कारवाई करुन रु. १५,००० चा दंड वसूल केला. पथकाने २५ प्रतिष्ठाने व मंगल कार्यालयांची तपासणी केली. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली
