नागपूर : नागपूर महानगरपालिकेच्या शाळांमधील हुशार विद्यार्थ्यांसाठी महत्त्वाचा निर्णय घेण्यात आला आहे. मनपा आयुक्त डॉ. अभिजित चौधरी यांनी दहावी उत्तीर्ण होऊन अकरावी-बारावीमध्ये शिक्षण घेणाऱ्या ५० मेधावी विद्यार्थ्यांना प्रत्येकी ५०,००० रुपयांची शिष्यवृत्ती देण्यास मंजुरी दिली आहे. ही शिष्यवृत्ती विद्यार्थ्यांना दरवर्षी दोन हप्त्यांत मिळणार आहे.
ही योजना मार्च २०२५ मध्ये होणाऱ्या दहावीच्या परीक्षेत उत्तीर्ण होणाऱ्या मनपा शाळांतील गुणवंत विद्यार्थ्यांसाठी लागू होणार आहे. या उपक्रमामागचा उद्देश म्हणजे विद्यार्थ्यांना उच्च शिक्षणासाठी प्रोत्साहन देणे तसेच त्यांच्या आर्थिक अडचणी कमी करणे, असा आहे.
Gold Rate
05 Jan 2026
नागपूर मनपाच्या ताब्यात सध्या २८ शाळा आहेत. त्यामध्ये ७ मराठी, ११ हिंदी, ९ उर्दू आणि १ इंग्रजी माध्यमाची शाळा समाविष्ट आहे. त्यापैकी ११ शाळा अर्ध-इंग्रजी माध्यमाच्या आहेत.
मनपाच्या म्हणण्यानुसार, ही मदत विद्यार्थ्यांना ज्युनियर कॉलेजमधील शिक्षणात आवश्यक साधनसामग्री खरेदी करण्यासाठी व अभ्यास सुरू ठेवण्यासाठी उपयुक्त ठरेल.
या निर्णयामुळे मनपा शाळांतील विद्यार्थ्यांना उच्च शिक्षणाच्या दिशेने पुढे जाण्यासाठी एक मजबूत आर्थिक आधार मिळणार आहे, असा विश्वास मनपा प्रशासनाने व्यक्त केला आहे.
