नागपूर – रविवार, २२ जूनचा दिवस नागपूरकरांसाठी अत्यंत महत्त्वाचा ठरला. मुख्यमंत्री देवेंद्र फडणवीस यांच्या हस्ते प्रधानमंत्री आवास योजना (शहरी) अंतर्गत नागपूर महानगरपालिकेने मौजा पंजारा येथे उभारलेल्या ४८० घरांच्या चाव्या लाभार्थ्यांना प्रदान करण्यात आल्या. या प्रसंगी मुख्यमंत्री फडणवीस यांनी सर्व लाभार्थ्यांचे अभिनंदन करत, मनपा आयुक्त डॉ. अभिजित चौधरी यांना नागपूरच्या प्रत्येक विधानसभा क्षेत्रात अशा दोन योजना राबवून किमान १००० घरे उभारण्याचे निर्देश दिले.
मुख्यमंत्री म्हणाले, “पंतप्रधान नरेंद्र मोदी यांच्या नेतृत्वाखाली प्रत्येक गरजू व्यक्तीला आपले घर मिळावे, यासाठी आम्ही कटिबद्ध आहोत. या दिशेने सातत्याने प्रयत्न सुरू आहेत.”
Gold Rate
17 June 2025
यावेळी मुख्यमंत्री फडणवीस यांच्या हस्ते मनपाच्या विविध विकासकामांचाही लोकार्पण सोहळा पार पडला. यामध्ये १२ मीटर लांबीची नवीन एसी इलेक्ट्रिक बस, मनपा अग्निशमन विभागासाठी १६ हजार व ८ हजार लिटर क्षमतेच्या आठ अग्निशमन वाहने, वृक्षारोपण यंत्रणा, सांडपाणी सफाई यंत्र, तसेच पाचपावली अग्निशमन केंद्र, स्मार्ट टॉयलेट (ओमकार नगर), हॉट मिक्स प्लांटसाठी नवीन यंत्रसामग्री, कळमना जलतरण तलाव, आणि आयुष्यमान आरोग्य मंदिर अशी २७ केंद्रे यांचा समावेश होता. या कार्यक्रमाला पालकमंत्री चंद्रशेखर बाणवणकुळे, राज्यमंत्री आशीष जयसवाल, नगर विकास विभागाचे मुख्य सचिव आणि मनपा आयुक्त डॉ. अभिजित चौधरी उपस्थित होते.
