नागपूर : मेडिकल रुग्णालयातील निवासी डॉक्टरांच्या वसतिगृहात महिला डॉक्टरांच्या सुरक्षितेचा प्रश्न ऐरणीवर आला आहे. एका महिला डॉक्टरचे दुसऱ्या निवासी डॉक्टरकडून आंघोळ करतानाचे मोबाईलवर रेकॉर्डिंग करण्याचा धक्कादायक प्रकार उघडकीस आला आहे.
मेडिकलमध्ये निवासी डॉक्टरांसाठी स्वतंत्र वसतिगृह आहे. येथे महिला व पुरुष डॉक्टरांच्या निवासाची सोय आहे. गुरुवारी रात्री द्वितीय वर्षाला असलेली महिला निवासी डॉक्टर आंघोळीला गेली असताना एका निवासी डॉक्टरने मोबाईलमध्ये रेकॉर्डिंग करण्याचा प्रयत्न केला. हा प्रकार महिला डॉक्टरच्या निदर्शनास आल्यानंतर तिने आरडाओरड सुरु केली.
Gold Rate
07 Jan 2026
घडलेल्या प्रकाराची अधिष्ठाता कार्यालयात तक्रार करण्यात आली. अधिष्ठात्यांनी तातडीने वसतिगृहाचे वॉर्डन डॉ. गौर व निवासी डॉक्टरांच्या प्रतिनिधींसह बैठक घेतली. संबंधित डॉक्टरच्या मोबाईलची झडती घेतली असता कोणतेही छायाचित्र वा चलचित्र आढळले नाही.
तातडीने चौकशीसाठी उपअधिष्ठाता डॉ. देवेंद्र माहोरे, उपअधिष्ठाता डॉ. उदय नारलेवार, डॉ. अर्चना देशपांडे, डॉ. गौर, डॉ. मनीष ठाकरे, डॉ. जयेश मुखी यांची सहा सदस्यीय समिती गठित करण्यात आली. या घटनेसंदर्भात अधिष्ठाता डॉ. राज गजभिये यांनीही दुजोरा दिला.
