नागपूर : भारत हवामान विभागाच्या (IMD) नागपूर केंद्राने सप्टेंबर 2025 साठी विदर्भाचा मासिक हवामान अंदाज जाहीर केला आहे. विभागाच्या मते, यंदा विदर्भात सरासरीपेक्षा अधिक पावसाची शक्यता आहे. नागपूर, अमरावती, गडचिरोली, चंद्रपूर, गोंदिया यांसह बहुतांश जिल्ह्यांत नेहमीपेक्षा जास्त पर्जन्यमान नोंदवले जाऊ शकते.
हवामान विभागाने दिलेल्या आकडेवारीनुसार, सप्टेंबर महिन्यात नागपूरमध्ये सरासरी 160.9 मिमी, अमरावतीत 144.0 मिमी, गडचिरोलीत 201.7 मिमी, गोंदियात 181.9 मिमी, चंद्रपूरमध्ये 171.0 मिमी आणि अकोल्यात 115.9 मिमी पाऊस नोंदवला जातो. मात्र यंदा या सरासरीपेक्षा जास्त पावसाची शक्यता असल्याचे विभागाने स्पष्ट केले आहे.
पावसासोबतच तापमानाबाबतही महत्त्वाची माहिती हवामान खात्याने दिली आहे. सप्टेंबर महिन्यात विदर्भातील बहुतांश भागात कमाल तापमान सामान्यपेक्षा जास्त राहण्याचा अंदाज आहे. तसेच किमान तापमान, म्हणजेच रात्रीचा पारा देखील नेहमीपेक्षा जास्त राहू शकतो. यामुळे दिवस-रात्र दोन्ही वेळा नागरिकांना उकाडा व उकाड्यासह प्रचंड उमस जाणवण्याची शक्यता आहे.
Gold Rate
May 14- 2026 - Time 10.30Hrs
हवामान विभागाने नागरिकांना, विशेषतः शेतकऱ्यांना इशारा दिला आहे की, हवामानातील बदलांकडे सतत लक्ष ठेवावे आणि अद्ययावत माहितीनुसार पावले उचलावीत. सरासरीपेक्षा जास्त पाऊस झाल्यास शेती आणि दैनंदिन जीवनावर त्याचा परिणाम होऊ शकतो, तर जास्त तापमानामुळे उमस त्रासदायक ठरू शकते.
