नाशिक : राज्यातील ‘कॉर्पोरेट जिहाद’ प्रकरण आणि ढोंगी बाबा अशोक खरात यांच्या अटकेनंतर राजकीय वातावरण तापले असून, काँग्रेसचे वरिष्ठ नेते Vijay Wadettiwar यांनी सत्ताधारी महायुती सरकारवर जोरदार टीका केली आहे. प्रशासन आणि सरकार दुहेरी मापदंड अवलंबत असल्याचा गंभीर आरोप त्यांनी केला आहे.
वडेट्टीवार म्हणाले, “अशोक खरात यांच्या जागी जर एखादा मुस्लिम आरोपी असता, तर आतापर्यंत संपूर्ण समाजाला लक्ष्य केलं गेलं असतं. त्यांची ‘वरात’ काढण्यात आली असती.” गुन्हेगाराला धर्म किंवा जातीनुसार न पाहता, जो चुकीचा आहे त्याला चुकीचं म्हणण्याची भूमिका समाजाने घ्यावी, असेही त्यांनी स्पष्ट केले.
Gold Rate
Apr 09,2026 - Time 10.30Hrs
यावेळी त्यांनी राज्यातील कृषी संकटावरूनही सरकारला धारेवर धरले. सरकारकडून जाहीर करण्यात आलेली कर्जमाफी ही केवळ ‘बनवाबनवी’ असून, शेतकऱ्यांशी धोका असल्याचा आरोप त्यांनी केला. “जोपर्यंत शेतकऱ्यांचा 7/12 पूर्णपणे कर्जमुक्त होत नाही, तोपर्यंत खरी मदत झाल्याचं मानता येणार नाही,” असे ते म्हणाले.
फसल विमा योजनेवरही त्यांनी प्रश्नचिन्ह उपस्थित करत, “या योजनेतून फक्त खासगी विमा कंपन्यांचाच फायदा होत आहे, तर नैसर्गिक आपत्तीग्रस्त शेतकरी अजूनही मदतीसाठी वणवण भटकत आहेत,” असा आरोप केला.
दरम्यान, विरोधी गटातील काही नेते आणि खासदार मुख्यमंत्री व उपमुख्यमंत्र्यांची भेट घेत असल्याच्या चर्चांवर स्पष्टीकरण देताना वडेट्टीवार म्हणाले की, “मतदारसंघातील विकासकामांसाठी सत्ताधाऱ्यांना भेटणं ही सामान्य बाब आहे.” तसेच Uddhav Thackeray यांच्यावर होणारे ‘वेळ देत नाहीत’ हे आरोपही त्यांनी फेटाळले.
महाविकास आघाडीत मोठी फूट पडण्याची शक्यता त्यांनी नाकारली असली, तरी काही खासदारांच्या भूमिकांबाबत त्यांनी ती वैयक्तिक प्राधान्यांशी संबंधित असल्याचे सूचित केले.
