नागपूर : नागपूर महानगरपालिकेच्या उपद्रव शोध पथकाने मंगळवारी (ता. ४ मे) रोजी ३६ दूकाने/प्रतिष्ठानांवर कारवाई करुन रु. २,५९,००० चा दंड वसूल केला. झिंगाबाई टाकळी, बाबा फरिद नगर येथील प्रकाश डेयरी ला मंगळवारी झोनच्या सहाय्यक आयुक्तांच्या आदेशाने सील करण्यात आले.

पथकाने ६१ प्रतिष्ठाने व मंगल कार्यालयांची तपासणी केली. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.