नागपूर,: मागील २४ तासांत शहरातील विविध निवासी भागांमध्ये कंत्राटदारांकडून विकास कामादरम्यान अनेक ठिकाणी झालेल्या चुकांमुळे पाणी पुरवठ्यावर गंभीर परिणाम झाले आहेत. 16, 17, 18 आणि 19 जून रोजी प्रतापनगर चौक, बिजली नगर सिव्हिल लाईन्स, हसनबाग गेट, शारदा माता चौक, वैष्णोदेवी चौक, प्रताप नगर आणि रवी नगर चौक येथे सुरु असलेल्या विकासकामाच्या दरम्यान संबंधित कंत्राटदारांकडून जलवाहिन्या बाधित करण्यात आल्या. त्याचा फटका शहरातील हजारो घरांना बसला आहे.
या घटनांमुळे पाणी पुरवठ्याची नियमित सेवा विस्कळीत झाली असून, ग्राहकांच्या तक्रारींमध्ये लक्षणीय वाढ झाली आहे. पाणी टँकरची मागणी वाढली असून ती मागणी पूर्ण करणे ओसीडब्ल्यू च्या आमच्या कार्यक्षमतेपलीकडे गेली आहे. यासंदर्भात OCW ने नागपूर महानगरपालिकेला (NMC) त्वरित माहिती दिली असून आवश्यक कारवाई करण्याची विनंती केली आहे.
Gold Rate
15 july 2025
गेल्या अनेक महिन्यांपासून जलवाहिन्या खराब होण्याचे प्रकार सुरूच आहेत, परंतु अलीकडे हे प्रमाण लक्षणीयरीत्या वाढले आहे. फक्त जून महिन्यातच अशा 17 घटनांची नोंद झाली असून, यामुळे नागपूरकर नागरिकांचे अतोनात हाल होत आहेत. केवळ गेल्या पाच दिवसांतच अनेक ठिकाणी पाईपलाइनचे नुकसान झाले असून, त्याचा तपशील पुढीलप्रमाणे आहे:
घटनेचा सविस्तर तपशील:
16 जून 2025, रात्री 8:00 वाजता, प्रताप नगर चौक: मेसर्स बीसीसी ट्रान्सको (केबल टाकणे) द्वारे 150 मिमी व्यासाच्या वितरण वाहिनीचे नुकसान. टेलिकॉम नगर, रामकृष्ण नगर, गावंडे लेआउट, त्रिशरण नगर, शास्त्री लेआउट, ट्रस्ट कॉलनी, सेंट्रल एक्साईज कॉलनी, पायनियर सोसायटी येथील सुमारे 900 रहिवाशांना पाणीपुरवठा नाही. 48 तासांहून अधिक काळ दुरुस्ती प्रलंबित.
17 जून 2025, दुपारी 2:00 वाजता, बिजली नगर जवळ, सिव्हिल लाईन्स: मेसर्स श्री कंबाइन्स (ऑप्टिकल फायबर) द्वारे 700 मिमी व्यासाच्या फीडर वाहिनीचे नुकसान. धंतोली झोनमधील रेसिमबाग सीए, हनुमान नगर सीए, वानजरी नगर (जुने आणि नवीन) सुमारे 22000 ग्राहकांना पाणीपुरवठा नाही. कंत्राटदाराने दुरुस्ती करण्यास नकार दिल्याने ओसीडब्ल्यू टीम तैनात.
17 जून 2025, दुपारी 4:00 वाजता, हसनबाग गेट जवळ: टी अँड टी इन्फ्रा प्रा. लि. (एनएचएआय कामे) द्वारे 200 मिमी व्यासाच्या वितरण वाहिनीचे नुकसान. हसनबाग, नंदनवन झोपडपट्टी, केडीके कॉलेज, व्यंकटेश नगर, कावेलू क्वार्टर्स, एलआयजी-एमआयजी क्वार्टर्स येथील सुमारे 4000 रहिवाशांना परिणाम. कंत्राटदाराकडून दुरुस्तीचे काम बाकी.
17 जून 2025, सायंकाळी 7:00 वाजता, शारदा माता चौक, गिट्टीखदान: मेसर्स एस.एस. कम्युनिकेशन (रिलायन्स जिओ) द्वारे 150 मिमी व्यासाच्या वितरण वाहिनीचे नुकसान. महेश नगर, मामा चौक, अहबाब कॉलनी, बोरगाव येथील गिट्टीखदान सीए मधील सुमारे 500 रहिवाशांना पाणी नाही. कंत्राटदाराकडून दुरुस्ती बाकी.
17 जून 2025, रात्री 8:00 वाजता, वैष्णो देवी चौक (एमआयजी कॉलनी समोर): एमएसईबी केबल टाकणाऱ्या कंत्राटदाराकडून भारतवाडी ईएसआरला पाणीपुरवठा करणाऱ्या 400 मिमी व्यासाच्या इनलेट फीडरचे नुकसान. संपूर्ण भारतवाडी (देशपांडे लेआउट) ईएसआर सीए मधील सुमारे 3500 रहिवाशांना पाणी नाही. कंत्राटदाराने नकार दिल्यानंतर ओसीडब्ल्यू दुरुस्ती टीम तैनात.
18 जून 2025 – रात्री 8:00 वाजता., प्रतापनगर चौक: M/s BCC Transco ने पुन्हा एकदा HDD पद्धतीने काम करताना प्रतापनगर (AMRUT) वितरण फीडर मेनचे नुकसान केले. सुमारे 2500 नागरिकांना पाणी मिळालेले नाही. कंत्राटदाराने रात्री दुरुस्ती न करता दुसऱ्या दिवशी सकाळी कामगार तैनात केले असून, दुरुस्ती सुरू आहे.
19 जून 2025 – सकाळी 9:00 वाजता, रवी नगर चौक: M/s Nakshatra Joshi (MSEB कंत्राटदार) ने 110 मिमी वितरण जलवाहिनीचे नुकसान केले. सुमारे 800 नागरिकांना पाणी मिळत नाही. कंत्राटदाराने गळती दुरुस्त करण्याचे मान्य केले असून काम सुरू आहे.
वीजपुरवठा खंडित होणे आणि पाण्याची उपलब्धता कमी असणे ही पाणीपुरवठा सुनिश्चित करण्यात आधीच मोठी आव्हाने आहेत. आता वारंवार होणारी आणि असंघटित बाहेरील खोदकाम कामे, विशेषतः ‘हॉरिझंटल डायरेक्शनल ड्रिलिंग’ (Horizontal Directional Drilling – HDD) सारख्या तंत्रज्ञानाचा वापर, यामुळे अनेक ठिकाणी पाण्याची तीव्र टंचाई निर्माण झाली आहे.
भविष्यात असे नुकसान टाळण्यासाठी आणि नागरिकांची गैरसोय कमी करण्यासाठी सर्व बाहेरील एजन्सींनी कोणतेही खोदकाम सुरू करण्यापूर्वी, विशेषतः एचडी डी किंवा यांत्रिक खंदक खोदताना, ओसीडब्ल्यूच्या समन्वयाने भूगर्भातील युटिलिटी/जलवाहिनीचे स्थान अनिवार्यपणे सत्यापित करावे. तसेच खोदकामपूर्व पडताळणी, संरेखन मंजुरी आणि कामाच्या अंमलबजावणीदरम्यान जागेवर देखरेखीसाठी औपचारिक एसओपी (Standard Operating Procedure) स्वीकारली जावी आणि लागू केली जावी, अशी सूचना ओसीडब्ल्यू ने मनपाकडे केली आहे.
नागरिकांनी सहकार्य करावे आणि या कठीण काळात पाणी जपून वापरावे, असे आवाहन ओसीडब्ल्यू व मनपा द्वारे करण्यात येत आहे. पाणीपुरवठा पूर्ववत करण्यासाठी युद्धपातळीवर प्रयत्न सुरू आहेत.
पाणीपुरवठ्याबाबत अधिक माहितीसाठी, ग्राहक NMC-OCW हेल्पलाइन क्रमांक 1800 266 9899 वर संपर्क साधू शकतात किंवा contact@ocwindia.com वर ईमेल करू शकतात.
