नागपूर : वाडी पोलीस ठाण्याच्या हद्दीत धक्कादायक घटना उघडकीस आली असून, चोरीचा प्रयत्न फसल्याने ६० वर्षीय अपंग वृद्धाची निर्घृण हत्या करण्यात आल्याची माहिती समोर आली आहे. या घटनेमुळे परिसरात भीतीचे वातावरण पसरले आहे.
मृत व्यक्तीचे नाव सहसराम बाजीराव केवट असे असून, ते वडाधमना–सुराबर्डी परिसरातील कृष्णानगर येथे, स्वामी समर्थ मंदिराजवळ एकटे राहत होते. अपंगत्वामुळे ते शासकीय मानधनावर उदरनिर्वाह करत होते.
Gold Rate
Sept 17,2026 - Time 10.30Hrs
पोलीसांनी दिलेल्या माहितीनुसार, ही घटना १३ एप्रिल २०२६ रोजी मध्यरात्री १२.३० ते १.०० वाजण्याच्या सुमारास घडली. आरोपींनी घरात रोकड चोरी करण्याच्या उद्देशाने प्रवेश केला होता.
या प्रकरणातील आरोपी विलास सुभाष चौधरी (२७), जितेंद्र संतोष वाघरे (२५) आणि प्रवीण धिल्लन चव्हाण (२५) हे तिघेही सुराबर्डी येथील रहिवासी असून, त्यांनी चोरीचा कट रचल्याचे समोर आले आहे.
दरम्यान, केवट यांनी चोरीला विरोध केल्याने आरोपींनी उशीने तोंड दाबून आणि गळा आवळून त्यांची हत्या केल्याचा आरोप आहे.
या प्रकरणी रीमा हेमंत पटेल (२२) यांनी दिलेल्या तक्रारीवरून वाडी पोलीसांनी भारतीय न्याय संहितेच्या संबंधित कलमांखाली गुन्हा दाखल केला आहे. पोलीसांनी तत्काळ कारवाई करत एक आरोपीला अटक केली असून, उर्वरित दोघांचा शोध सुरू असून घटनेचा पुढील तपास पोलीसांकडून सुरू आहे.
