नागपूर : शहरातील अंबाझरी तलावासमोर बांधण्यात येणाऱ्या नवीन पुलाचा दुसरा भाग ३१ मार्चपासून वाहतुकीसाठी खुला होणार आहे. २०२३ मध्ये नागपूरला आलेल्या पुरानंतर या ठिकाणी असलेला पूल पाडून नवीन पूल बांधण्यात आला. त्याचा एक भाग आधीच खुला करण्यात आला आहे, तर सार्वजनिक बांधकाम विभागाने ३१ मार्चपर्यंत दुसरा भाग खुला करण्याचा दावा केला आहे.
विशेष म्हणजे नागपूरमधील पूर परिस्थितीवर ज्याप्रमाणे चर्चा झाली, त्याचप्रमाणे या पुलामुळे शहरातील अनेक भागात होणाऱ्या वाहतूक कोंडीच्या समस्येवरही चर्चा झाली.
नागपूरमधील पुरानंतर, तलावाच्या ओव्हरफ्लो पॉइंटसमोर असलेला पूल पाडून नवीन पूल बांधला जात आहे. या पुलाच्या एका भागाचे उद्घाटन आधीच झाले आहे तर दुसरा भाग ३१ मार्चपासून खुला होणार आहे. हिंगणा परिसरसह शहरातील विविध भागांना जोडण्यासाठी हा पूल खूप महत्वाचा आहे.
नवीन पुलाच्या बांधकामामुळे नागरिकांना बराच काळ वाहतूक कोंडीसह अनेक समस्यांना तोंड द्यावे लागले. नवीन पुलाच्या बांधकामात होणारा विलंब हा देखील चर्चेचा विषय होता. आता जर सार्वजनिक बांधकाम विभागाची नवीन मुदत योग्य ठरली तर येथून ये-जा करणाऱ्या नागरिकांसाठी हे सोयीस्कर ठरेल.
