नागपूर: नागपूर महानगरपालिकेने (एनएमसी) शहरातील सर्व रस्त्यांच्या देखभाल आणि विकासाचे पूर्ण नियंत्रण हाती घेतले आहे. हे पाहता आता शहरातील खड्डे आणि रस्त्यांशी संबंधित इतर समस्यांची जबाबदारी नागपूर सुधार न्यास (एनआयटी), सार्वजनिक बांधकाम विभाग (पीडब्ल्यूडी) आणि भारतीय राष्ट्रीय महामार्ग प्राधिकरण (एनएचएआय) सारख्या वेगवेगळ्या एजन्सीकडे राहणार नाही.
महाराष्ट्र महानगरपालिका कायद्याच्या कलम २०२ च्या अंमलबजावणीसह, एनएमसी आता अधिकृतपणे शहरातील रस्त्यांचे नियंत्रण करणारी एकमेव संस्था राहणार आहे. या कायदेशीर चौकटीत राहून एनएमसीने याची जबाबदारी स्वतःवर घेतली आहे.त्यामुळे आता बाह्य संस्थांकडे याबाबत कोणतीच जबाबदारी राहणार नाही.
महाराष्ट्र महानगरपालिका कायद्यानुसार नागपूर शहरातील सर्व रस्ते आता महानगरपालिकेच्या नियंत्रणाखाली आणि अधिकारक्षेत्रात येतील.
या कायद्यानुसार,आवश्यकतेनुसार मनपा आयुक्तांना सार्वजनिक रस्त्यांची देखरेख करणे त्याच्यात बदल करण्याचा अधिकार देण्यात आला आहे. यामुळे नागपूरच्या रस्त्यांच्या स्थितीसाठी आता थेट महापालिका जबाबदार असेल, ज्यामुळे भूतकाळातील विलंब आणि बोट दाखविण्यावर पूर्णविराम मिळेल.
या नवीन जबाबदारीसह आपण शहरातील रस्ते गुळगुळीत, सुरक्षित, दुरुस्तीला जलद प्रतिसाद आणि रस्ते सुधारणांसाठी दीर्घकालीन नियोजनाची अपेक्षा करू शकतो.
