नागपूर: वीज ग्राहकांची मार्च अखेरीस वीज बिलाच्या थकबाकीची रक्कम भरताना गैरसोय होऊ नये म्हणून पुढील आठवड्यात शनिवार रविवार आणि सार्वजनिक सुट्टीच्या दिवशी वीज भरणा केंद्र सुरु ठेवण्याचा निर्णय घेण्यात आला आहे.
मार्च महिन्यातील अखेरच्या आठवड्यात चौथा शनिवार,रविवार असल्याने आठवडी सुटी आहे सोबतच २८ मार्चला महावीर जयंती आणि ३० मार्चला गुड फ्रायडे निमित्य सार्वजनिक सुट्टी आहे. ३१ मार्च हा आर्थिक वर्षाचा शेवटचा दिवस असल्याने बँकामध्ये कामकाज होणार नाही. अश्या परिस्थितीत वीज ग्राहकांची होणारी गैरसोय टाळण्यासाठी महावितरणकडून हा निर्णय घेण्यात आला आहे.
वीज ग्राहकांना देयकाची रक्कम भरण्यासाठी महावितरणकडून अनेक पर्याय देण्यात आहेत. यात ऑन लाईन बील भरणे, मोबाईल अँपच्या माध्यमातून बिलाचा भरणा करणे, ग्राम पंचायतीमध्ये आपले सरकार या वेब पोर्टलवर वीज देयकाची रक्कम भरण्याची सुविधा उपलब्ध करून देण्यात आली आहे. वीज ग्राहकांनी या सुविधांचा लाभ घेण्याचे आवाहन महावितरणकडून करण्यात आले आहे.
