नागपूर मेट्रो ने केली २३४२ सोलर पॅनलची स्थापना
नागपूर : नागपूरच्या तापमानाचा सर्वांनाच फटका बसला असला तरी महा मेट्रो नागपूरने मात्र या काळात सौर उर्जेची निर्मिती करत मोठ्या प्रमाणात वीज बचत केली आहे.महा मेट्रोने बसविलेल्या सौर पॅनल मुळेच हे शक्य झाले आहे.
महा मेट्रो ने खापरी,न्यू एयरपोर्ट,एयरपोर्ट साउथ आणि एयरपोर्ट स्टेशन येथे अनुक्रमे २०९,३४६,४०७ आणि ५४० सौर पॅनल बसविले आहे. हे ४ स्टेशन मिळून एकूण १५०२ सोलर पॅनल मेट्रो ने बसविले आहेत. यासोबतच मेट्रो भवन येथे देखील ८४० सोलर पॅनल बसविण्यात आले आहे.
याप्रमाणे मेट्रो ने आतापर्यंत एकूण २३४२ सोलर पॅनलची स्थापना ४ स्टेशन आणि मेट्रो भवन येथे केली आहे. फक्त में महिन्यात ४ स्टेशन आणि मेट्रो भवन मिळून १०४३०७ युनिट एवढ्या विजेची निर्मिती महा मेट्रोने केली. उर्वरित मेट्रो स्टेशनचे काम पूर्ण झाल्यावर तेथे देखील सोलर पॅनल बसविले जाणार आहे.
