नागपूर : स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने सोमवारी (ता.2) रोजी 04 प्रतिष्ठानांवर कारवाई करून 20 हजार रुपयांचा दंड वसूल केला. मनपा आयुक्त राधाकृष्णन बी यांच्या मार्गदर्शनात धरमपेठ झोन अंतर्गत डब्ल्यू.एच.सी.रोड, धरमपेठ येथील श्री कृष्णा आयुर्वेदीक दवाखाना यांच्याविरुध्द परवानगीशिवाय बॅनर्स आणि होर्डिंग लावल्याबद्दल कारवाई करून 5 हजार रुपयांचा दंड वसुल केला. नेहरुनगर झोन अंतर्गत जगनाडे चौक, नंदनवन येथील 7 स्टार कॅटरिंग कडुन वाया जाणारे अन्न रस्त्यालगत टाकल्यामुळे कारवाई करुन 5 हजार रुपयाचा दंड वसुल केला.
त्याचप्रमाणे गांधीबाग आणि लकडगंज झोनच्या उपद्रव शोध पथकाद्वारे प्रतिबंधित प्लास्टिक पिशवी संदर्भात कारवाई करण्यात आली.
पथकाने गांधीबगा झोन अंतर्गत ईतवारी भंडारा रोड येथील जगदंबा प्लास्टिक या दुकानाविरूध्द प्लास्टिक पिशवीच्या वापर केल्याबद्दल कारवाई करून 5 हजार रुपयांचा दंड वसुल केला. तसेच लकडगंज झोन अंतर्गत एच.बी.टाऊन कळमना रोड येथील केक विला या दुकानाविरूध्द प्लास्टिक पिशवीच्या वापर केल्याबद्दल कारवाई करून 5 हजार रुपयांचा दंड वसुल केला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
