कामठी: नोव्हेंबर पंडित जवाहरलाल नेहरू यांच्या जयंती दिनाचे औचित्य साधून बालक दिनानिमित्त कामठी रोड वरील दिल्ली पब्लिक स्कुल खैरी येथे जुनी कामठी पोलीस विभागाच्या वतीने छात्र पोलीस संकल्पने अंतर्गत “बाल हक्क व सुरक्षितता ‘विषयावर जुनी कामठी पोलीस स्टेशन चे वरिष्ठ पोलीस निरीक्षक देविदास कठाडे यांनी विद्यार्थ्यांना बालकांचे हक्क व बालकाविरुद्ध अत्याचार तसेच अत्याचारांना प्रतिबंध करणे, बालकांवरील लैंगिक शोषणविरुद्धचे अत्याचार लपवून न ठेवता पोलिसांना त्वरित अवगत करणे तसेच बालकांच्या अत्याचाराच्या माहिती बाबत चाईल्ड हेल्पलाईन -1098 चा वापर करण्याचे मौलिक मार्गदर्शन केले.

याप्रसंगी कार्यक्रमात उपस्थित नववितील विद्यार्थ्यांना शालेय शिस्त, रस्ते सुरक्षा , महिला सक्षमीकरण , सायबर क्राईम , इंटरनेट हाताळताना घ्यावयाची दक्षता , बालकांविरुद्ध हिंसा करण्यास प्रतिबंध करणे याबाबत सुद्धा जनजागृतीपर मौलिक मार्गदर्शन केले. याप्रसंगी शाळेतील शालेय शिक्षकगण तसेच विद्यार्थिवर्ग मोठ्या संख्येत उपस्थित होते.