नागपूर : वाहतूक नियमांचे सतत उल्लंघन करणाऱ्या वाहनचालकांविरोधात नागपूर ग्रामीण पोलिसांनी मोठी कारवाई केली आहे. ई-चलन प्रणालीतून वारंवार दंडित झालेल्या वाहनधारकांचा सविस्तर आढावा घेतल्यानंतर तब्बल १४१ जणांचे वाहन चालवण्याचे परवाने निलंबित अथवा रद्द करण्यात आले आहेत.

पोलिसांनी सतत नियम तोडणाऱ्या चालकांची यादी तयार करून प्रादेशिक परिवहन कार्यालयाकडे (RTO) कारवाईसाठी प्रस्ताव पाठवले होते. तपासादरम्यान अतिवेगाने वाहन चालवणे, सिग्नल तोडणे, प्रवासी किंवा मालाची अधिक वाहतूक, मद्यधुंद अवस्थेत वाहन चालवणे यांसारखे गंभीर प्रकार समोर आले.

Gold Rate

June 27 ,2026 - Time 10.30Hrs

Gold 24 KT ₹ 1 43,800 /-

Gold 22 KT ₹ 1,33,400 /-

Silver/Kg ₹ 2,24,300/-

Platinum ₹ 88,000/-

Recommended rate for Nagpur sarafa Making charges minimum 13% and above

एकूण २,४९४ वाहनचालकांविरोधात कारवाईचे प्रस्ताव पाठवण्यात आले असून त्यापैकी १४१ प्रकरणांमध्ये परवाने निलंबित किंवा रद्द करण्याची प्रक्रिया पूर्ण झाली आहे. उर्वरित प्रकरणांवर RTO स्तरावर सुनावणी सुरू असल्याची माहिती अधिकाऱ्यांनी दिली.

नागपूर ग्रामीण पोलिसांनी नागरिकांना वाहतूक नियमांचे काटेकोर पालन करण्याचे आवाहन केले असून, वारंवार नियम मोडणाऱ्यांविरुद्ध पुढेही कठोर कारवाई सुरू राहणार असल्याचा इशारा दिला आहे.