नागपूर : हुडकेश्वर पोलीस ठाण्याच्या हद्दीत पोलिसांनी अवैध मद्य तस्करीविरोधात मोठी कारवाई करत लक्झरी ऑडी कारमधून विदेशी मद्याचा साठा जप्त केला आहे. या प्रकरणात वाहनचालकाला अटक करण्यात आली आहे.

मिळालेल्या माहितीनुसार, दारूबंदी असलेल्या चंद्रपूर जिल्ह्याकडे ही मद्याची खेप नेली जात असल्याची गुप्त माहिती पोलिसांना मिळाली होती. त्यानुसार दिघोरी चौक येथे नाकाबंदी करण्यात आली. संशयित ऑडी कार थांबवून तपासणी केली असता, कारमधून विविध ब्रँडच्या विदेशी मद्य व बिअरच्या सुमारे १६ पेट्या आढळून आल्या.

Gold Rate

June 27 ,2026 - Time 10.30Hrs

Gold 24 KT ₹ 1 43,800 /-

Gold 22 KT ₹ 1,33,400 /-

Silver/Kg ₹ 2,24,300/-

Platinum ₹ 88,000/-

Recommended rate for Nagpur sarafa Making charges minimum 13% and above

जप्त केलेल्या मद्याची किंमत सुमारे ९४ हजार रुपये असून, वाहन व इतर साहित्यांसह एकूण जप्तीची किंमत १२ लाख ९४ हजार रुपयांपेक्षा अधिक असल्याचे पोलिसांनी सांगितले. अटक करण्यात आलेल्या आरोपीचे नाव प्रवीण कुरेवार असून तो नंदनवन परिसरातील रहिवासी आहे.

प्राथमिक चौकशीत आरोपीने मद्याच्या स्रोताबाबत समाधानकारक माहिती दिली नसल्याने पोलिसांकडून पुढील तपास सुरू आहे. हे मद्य मध्यप्रदेशातून आणले होते की शहरातील इतर ठिकाणाहून चंद्रपूरकडे पाठवले जात होते, याबाबत तपास सुरू आहे.