नागपूर : लग्नासाठी तगादा लावत ब्लॅकमेल करत असल्याने ५७ वर्षीय प्रियकराने २५ वर्षीय तरुणीची हत्या करत तिचा मृतदेह रामटेकच्या अंबाला येथे आमगाव परिसरात पुरल्याची धक्कादायक घटना समोर आली. महेश केशवराव वडस्कर (वय ५७ वर्ष, रा. सक्करदरा) असे अटक करण्यात आलेल्या आरोपीचे नाव आहे.
पोलीस चौकशीत रामटेकपासून सुमारे ३ किमी अंतरावर प्रियाला पुरल्याचे त्यांनी सांगितले. पोलिसांनी प्रियाचा मृतदेह बाहेर काढला. सध्या महेश हा पाच दिवस मानकापूर पोलिसांच्या कोठडीत आहे.
Gold Rate
25 April 2025
पोलिसांनी दिलेल्या माहितीनुसार, आरोपी महेश वडस्कर याचे रामटेक येथे टर्निग पॉइन्ट नावाचे हॉटेल आणि लॉज आहे. काही वर्षांपूर्वी महेश हा सागर डेअरीत व्यवस्थापक होता. याच डेअरीत प्रियाही काम करत असे. त्यामुळे दोघांची ओळख झाली. तीन वर्षांपूर्वी दोघे फेसबुकच्या माध्यमातून पुन्हा एकमेकांच्या संपर्कात आले. दोघांमध्ये मैत्री बहरु लागली. एक वर्षापूर्वी महेशने प्रियाचा गर्भपात करुन घेतला. त्यानंतर तिने महेशला ब्लॅकमेल करायला सुरुवात केली.
