नागपूर : नागपूर शहरातील रामदासपेठ पूल दुचाकी वाहनांच्या वाहतुकीसाठी गुरूवारी १ फेब्रुवारी रोजी सुरू करण्यात आला. मनपाचे अतिरिक्त आयुक्त डॉ. सुनील लहाने व मुख्य अभियंता श्री. राजीव गायकवाड यांनी गुरूवारी पूलाचे निरीक्षण केले. यावेळी अतिरिक्त आयुक्त डॉ. लहाने यांनी पूल दुचाकी वाहनांच्या वाहतुकीसाठी सुरू करण्याचे निर्देश दिले.
यावेळी कार्यकारी अभियंता श्री. विजय गुरूबक्षाणी व श्री. कमलेश चव्हाण, उप अभियंता श्री प्रमोद मोखाडे व महानगरपालिकेचे अनेक अभियंता उपस्थित होते.
Gold Rate
13 June 2025
राष्ट्रसंत तुकडोजी महाराज नागपूर विद्यापीठाच्या रामदासपेठ येथील ग्रंथालयाजवळ नाग नदीवर नागपूर महानगरपालिकेद्वारे पुलाचे बांधकाम करण्यात आलेले आहे. या पुलाच्या बांधकामासाठी ८ कोटी रुपये राशी प्रस्तावित आहे. ऑक्टोबर २०२२ मध्ये कामाला सुरूवात झाली असून पुलाचे एका बाजुचे काम पूर्णत्वास आलेले आहे. पुलाचे ४३ गर्डर कास्टींगचे काम पूर्ण झालेले असून २६ गर्डर ठेवण्यात आले आहेत. उर्वरित गडर टाकण्याचे काम देखील सुरू आहे.
अर्ध्या भागावर स्लॅब टाकण्याचे काम सुध्दा पूर्ण झालेले आहे. या अर्ध्या भागाच्या दोन्ही बाजूने अॅप्रोच रस्त्याच्या कामाकरीता संरक्षण भिंतींचे काँक्रिटीकरण करण्यात आलेले आहे. उर्वरीत अर्ध्या भागाचे गर्डर लॉंचींगचे काम सुरू असुन स्लॅब टाकणे, ड्रेन टाकणे, पॅरापीट भिंत व उर्वरीत अॅप्रोच रस्त्याचे डांबरीकरणसह रिटेनिंग वॉलचे काम मार्च अखेरपर्यंत पूर्ण करण्यात येणार आहे.
रस्ता सुरक्षेच्या दृष्टीने सध्या दुचाकी वाहने आणि पायी चालणा-या व्यक्तींकरीता एका बाजुने पूल सुरू करण्यात आलेला आहे. दोन्ही दिशेने ये-जा करणाऱ्या चार चाकी वाहानामुळे वाहतुक कोंडी होण्याची शक्यता असल्याने सध्या दोन्ही दिशेने केवळ दुचाकी वाहनांसाठी पुल सुरु करण्यात आले आहे.
