नागपूर: पोलिस उपायुक्त (डीसीपी) रश्मिता राव एन (आयपीएस) यांच्या नेतृत्वाखाली झोन 4 पोलिसांनी मंगळवारी मोटारसायकलच्या मोठ्या आवाजातील सायलेन्सर विरोधात कारवाई केली.
पोलीस रेझिंग डे वीक उपक्रमाचा भाग म्हणून झोन 4 मध्ये ही मोहीम राबविण्यात आली. ऑपरेशन दरम्यान, जास्त आवाज करणारे सायलेन्सर असलेल्या एकूण 41 मोटारसायकल चालकांना दंड आकारण्यात आला. तसेच जप्त केलेले सायलेन्सर वाठोडा पोलीस स्टेशन अंतर्गत भांडेवाडी डम्पिंग यार्ड येथे रोड रोलरखाली नष्ट करण्यात आले.
Gold Rate
17 June 2025
डीसीपी रश्मिता राव यांच्यासह विविध पोलिस ठाण्यांतील वरिष्ठ अधिकाऱ्यांनी अंमलबजावणी कारवाईचे निरीक्षण केले. डीसीपी राव यांनी झोन 4 मधील सर्व स्टेशन प्रभारींना याप्रकरणी पुढेही कठोर कारवाई सुरू ठेवण्याचे निर्देश दिले आहेत.
दरम्यान शहरातील नागरिकांना वाहतूक नियमांचे पालन करण्याचे आणि ध्वनी प्रदूषणाला आळा घालण्यासाठी पोलिसांच्या या कारवाईने लक्ष वेधले आहे.
