Advertisement
बेसा घोगली रोडवर स्कूल व्हॅन नाल्यात पडल्याची घटना आज(दि. ८) सकाळच्या सुमारास घडली. या व्हॅनमध्ये १८ शाळकरी विद्यार्थी होते व सुदैवाने सर्व बचावले. तीन विद्यार्थी किरकोळ जखमी झाले आहेत.
सूत्रांनी दिलेल्या माहितीनुसार सकाळी पोद्दार स्कूलच्या विद्यार्थ्यांना घेऊन व्हॅन चालली होती. नाल्याजवळ चालकाचे नियंत्रण सुटले व व्हॅन सरळ शेजारील नाल्यात पडली. घटनास्थळावर बऱ्यापैकी रहदारी होती व लोकांनी सर्व मुलांना बाहेर काढले. तीन विद्यार्थी किरकोळ जखमी झाले.
या घटनेनंतर पोलिसांचे पथकदेखील पोहोचले. व्हॅनमध्ये क्षमतेपेक्षा जास्त विद्यार्थी होते , तसेच चालक भरधाव वेगाने व्हॅन चालवत असल्याची माहिती सूत्रांनी दिली. शाळेला व पालकांनादेखील लगेच माहिती देण्यात आली. नागपुरात अर्ध्याहुन अधिक स्कूल व्हॅनमध्ये क्षमतेपेक्षा जास्त विद्यार्थी नेण्यात येतात.
Advertisement
Advertisement
