नागपूर :वाडी पोलीस ठाण्याच्या हद्दीतून धक्कादायक घटना समोर आली आहे.चालत्या दुचाकीवर एसी कुलींग सिलेंडर फुटल्यामुळे जखमी झालेल्या मेकॅनिकचा मृत्यू झाल्याचे समोर आले आहे. योगेश ज्ञानेश्वर तांडेवार (२७, सोनबानगर, वाडी) असे मृतकाचे नाव आहे.
माहितीनुसार, योगेश हा त्रिमूर्ती नगर येथील डाईकिन कंडिशनर प्रायव्हेट लिमिटेड या कंपनीत कामावर होता. तो एअर कंडिशनमध्ये एसी कुलिंग गॅस भरण्याचे काम करायचा. ५ जून रोजी दुपारी तीन वाजताच्या सुमारास तो कंपनीतीलच सुधीर हाडगे सोबत दुचाकीने निघाला.
Gold Rate
15 july 2025
त्याने एसी गॅस कुलिंग सिलेंडर दुचाकीवर पायाजवळ ठेवले होते. वडधामना संगम मार्गाजवळून जात असताना अचानक सिलेंडर फुटला.यात योगेशसह सुधीर गंभीर जखमी झाले.
उपचारासाठी दोघांनाही शालिनीताई मेघे रुग्णालयात दाखल करण्यात आले. उपचारादरम्यान डॉक्टरांनी योगेशला मृत घोषित केले. तर सुधीरवर उपचार सुरू आहे. याप्रकरणी वाडी पोलीस स्टेशनमध्ये अकस्मात मृत्यूची नोंद करण्यात आली आहे.
