नागपूर- महानगरपालिकेच्या महापौर पदासाठी झालेल्या निवडणुकीत भाजपच्या नीता ठाकरे यांनी दणदणीत विजय मिळवला आहे. नीता ठाकरे यांना १०४ मते मिळाली, तर काँग्रेसच्या स्नेहल ठाकरे यांना ३६ मते मिळाली. तटस्थ गटाची ११ मते निर्णायक ठरली. सर्वाधिक मताधिक्याने नीता ठाकरे यांची महापौरपदी निवड झाली असून, त्या नागपूरच्या आठव्या महिला महापौर ठरल्या आहेत.

याचवेळी उपमहापौर पदासाठी झालेल्या निवडणुकीत लीला हाथीबेड यांची निवड झाली आहे. त्यांनाही १०४ मते मिळाली. विशेष म्हणजे तटस्थ गटातील ११ सदस्यांनीही उपमहापौर निवडणुकीत निर्णायक भूमिका बजावली.

महापौर आणि उपमहापौर अशी दोन्ही महत्त्वाची पदे महिलांकडे गेल्याने नागपूर महापालिकेच्या सत्ताकारणात महिलांचे वर्चस्व स्पष्टपणे अधोरेखित झाले आहे. या निर्णयामुळे शहराच्या राजकीय वर्तुळात चर्चेला उधाण आले असून, नागपूरच्या विकासाला नवे बळ मिळेल, असा विश्वास व्यक्त केला जात आहे.

Gold Rate

Aug 26 ,2026 - Time 10.30Hrs

Gold 24 KT ₹ 1 62,400 /-

Gold 22 KT ₹ 1,50,700 /-

Silver/Kg ₹ 2,45,800/-

Platinum ₹ 88,000/-

Recommended rate for Nagpur sarafa Making charges minimum 13% and above

महापौरपदाची सूत्रे स्वीकारल्यानंतर नीता ठाकरे यांनी शहराच्या समग्र विकासावर भर देण्याची भूमिका मांडली. स्वच्छता मोहिमांना अधिक गती देणे, नागरी पायाभूत सुविधांचा दर्जा उंचावणे, नागरिकांना सुलभ व प्रभावी सेवा देणे तसेच महिलांच्या सबलीकरणासाठी नाविन्यपूर्ण योजना राबवण्याचा निर्धार त्यांनी व्यक्त केला. नागपूरला स्मार्ट आणि सुरक्षित शहर म्हणून पुढे नेण्यावर भर दिला जाईल, असेही त्यांनी स्पष्ट केले.

उपमहापौर लीला हाथीबेड यांनी महापालिकेचा कारभार अधिक पारदर्शक, उत्तरदायी आणि लोकाभिमुख ठेवण्याचा संकल्प व्यक्त केला. सर्व घटकांना विश्वासात घेऊन निर्णयप्रक्रिया राबवली जाईल, तसेच नागरिकांच्या तक्रारींवर तातडीने कार्यवाही केली जाईल, असे त्यांनी सांगितले.

महापालिकेतील या दुहेरी महिला नेतृत्वाकडून नागपूरकरांना मोठ्या अपेक्षा असून, विकासकामे, स्वच्छता, महिला सक्षमीकरण आणि नागरी सुविधांमध्ये सकारात्मक बदल घडून येतील,अशी भावना शहरात व्यक्त होत आहे.