नागपूर : नागपुरातील धंतोली परिसरातून एकाच कुटुंबातील पाच सदस्य रहस्यमयरीत्या बेपत्ता झाल्याची धक्कादायक घटना समोर आली आहे. 24 जूनपासून हे सर्वजण बेपत्ता असून त्यांच्या मोबाईलचे शेवटचे लोकेशन पुण्यात आढळल्याने प्रकरण अधिकच गूढ बनले आहे. पोलिसांकडून सर्व बाजूंनी तपास सुरू असून पुणे पोलिसांशीही समन्वय साधण्यात आला आहे.
धंतोलीतील बलराज मार्ग येथे राहणारे परसवानी कुटुंबातील हर्षा परसवानी, जितेंद्र परसवानी, ईशिता परसवानी, 21 वर्षीय खुशी परसवानी आणि 12 वर्षीय कृष्णा परसवानी हे 24 जूनच्या सायंकाळी घराबाहेर पडले. मात्र त्यानंतर ते घरी परतले नाहीत.
Gold Rate
July 02 ,2026 - Time 10.30Hrs
सुरुवातीला नातेवाईकांकडे गेले असावेत, असा कुटुंबीयांचा समज होता. अनेक दिवस स्वतः शोध घेऊनही काहीच माहिती न मिळाल्याने 29 जून रोजी धंतोली पोलीस ठाण्यात बेपत्ता झाल्याची तक्रार दाखल करण्यात आली.
तांत्रिक तपासादरम्यान पाचही जणांच्या मोबाईलचे शेवटचे लोकेशन पुण्यात आढळून आले. त्यानंतर नागपूर पोलिसांनी पुणे पोलिसांशी संपर्क साधत तपासाची व्याप्ती वाढवली आहे.
तपासात कुटुंबातील एका सदस्यावर मोठे कर्ज असल्याची माहिती समोर आली असली, तरी याच कारणामुळे कुटुंब बेपत्ता झाले, असे सांगण्यास पोलिसांनी नकार दिला आहे. सर्व शक्यतांचा विचार करून तपास सुरू असल्याचे पोलिसांनी स्पष्ट केले.
एकाच कुटुंबातील पाच सदस्य अचानक बेपत्ता झाल्याने नागपुरात चिंतेचे वातावरण निर्माण झाले असून, या प्रकरणाचा लवकरच उलगडा होईल, असा विश्वास पोलिसांनी व्यक्त केला आहे.
मिसिंग लिंक की बदहाली पर तीखा हमला #maharashtranews #newsupdate #politicsnews #latestnews
आमगांव में घरों में घुसा बारिश का पानी #maharashtranews #barish #mansoon #nuksan
सीबीजी गैस पर वाहन चालकों का विरोध #maharashtranews #andolan #cnggas #wardhanews #newsupdate
नागपुर में अवैध हथियार के साथ आरोपी गिरफ्तार #nagpurnews #crimenews #avaidh #newsupdate...
How AI is Transforming Policing | IPS Harssh Poddar Exclusive Interview |...
कशेडी घाट में भारी भूस्खलन, यातायात बंद ...#newsupdate #latestnews #maharashtranews #maharashtra
