नागपूर : प्रॉपर्टी टॅक्स कमी करून देण्याचे आमिष दाखवत ३ हजार रुपयांची लाच स्वीकारताना नागपूर महानगरपालिकेच्या कर्मचाऱ्यासह एका खासगी व्यक्तीला लाचलुचपत प्रतिबंधक विभागाने (एसीबी) रंगेहाथ पकडले. ही कारवाई मंगळवारी सापळा रचून करण्यात आली.

नागपूर महानगर पालिकेच्या हनुमान नगर (झोन क्रमांक ३) येथील महसूल निरीक्षक प्रमोद वसंतकुमार मोगरे (वय ५०) आणि खासगी व्यक्ती राकेश नरेंद्र डोडके (वय ३४) अशी अटक करण्यात आलेल्यांची नावे आहेत.

Gold Rate

Aug 26 ,2026 - Time 10.30Hrs

Gold 24 KT ₹ 1 62,400 /-

Gold 22 KT ₹ 1,50,700 /-

Silver/Kg ₹ 2,45,800/-

Platinum ₹ 88,000/-

Recommended rate for Nagpur sarafa Making charges minimum 13% and above

तक्रारदाराने रामेश्वरी परिसरात एक फ्लॅट खरेदी केला होता. सदर फ्लॅटचा प्रॉपर्टी टॅक्स आपल्या नावावर नोंदवून घेण्यासाठी त्यांनी हनुमान नगर झोन कार्यालयात आवश्यक कागदपत्रे सादर केली होती. कागदपत्रांची पडताळणी करण्यासाठी गेलेल्या कर्मचाऱ्यांपैकी राकेश डोडके याने तक्रारदारास दरवर्षी ४,५०० रुपये कर भरावा लागेल, असे सांगितले.

त्यानंतर डोडके याने दूरध्वनीवर संपर्क साधून, हा कर १,८०० रुपयांपर्यंत कमी करून देण्यासाठी स्वतःस व वरिष्ठ प्रमोद मोगरे यांना ३,५०० रुपये द्यावे लागतील, अशी मागणी केली.

या मागणीमुळे त्रस्त झालेल्या तक्रारदाराने Anti-Corruption Bureauकडे धाव घेत तक्रार नोंदवली. एसीबीने प्राथमिक पडताळणीनंतर सापळा रचला. चर्चेनंतर ३,५०० रुपयांऐवजी ३,००० रुपये स्वीकारण्याचे ठरविण्यात आले.

नियोजनानुसार रचलेल्या सापळ्यात राकेश डोडके याला प्रमोद मोगरे यांच्या सांगण्यावरून ३,००० रुपये स्वीकारताना रंगेहाथ पकडण्यात आले. दोघांनाही ताब्यात घेण्यात आले असून त्यांच्याविरुद्ध हुडकेश्वर पोलीस स्टेशन येथे भ्रष्टाचार प्रतिबंधक कायद्यातील कलम ७ व ७अ अंतर्गत गुन्हा दाखल करण्यात आला आहे.

या कारवाईमुळे मनपातील कारभाराबाबत पुन्हा एकदा प्रश्नचिन्ह उपस्थित झाले असून पुढील तपास सुरू आहे.