नवी दिल्ली: लोकसभा निवडणुकीच्या तारखांचा शंखनाद झाल्यानंतर राजकीय हालचालींना सुरुवात झाली आहे. यंदाची लोकसभा निवडणूक महाराष्ट्र नवनिर्माण सेनाही लढवणार आहेत. याकरीता मनसे अध्यक्ष राज ठाकरे दिल्लीत दाखल झाले. यावरून मनसे महायुतीत सहभागी होणार अशी चर्चा राजकीय वर्तुळात सुरू आहे. राज ठाकरे दिल्लीत अमित शाहा यांची भेट घेणार असल्याची शक्यता आहे.
मनसेकडून महाराष्ट्रात दोन जागांची मागणी करण्यात येऊ शकते. याच मुद्द्यांवर चर्चा होण्याची शक्यता वर्तवण्यात आली आहे. २०१९ च्या लोकसभेच्या निवडणुका मनसे लढली नव्हती. परंतु, त्यांनी राष्ट्रवादी काँग्रेसला पाठिंबा दर्शवला होता. राज्यातील राजकीय घडामोडीनंतर राज ठाकरेंनी यंदाची लोकसभा निवडणूक लढवण्याचा निर्धार केला आहे. यासाठी त्यांनी मतदारसंघांची चाचपणीही सुरू केली आहे.
Gold Rate
13 Jan 2026
दरम्यान, दक्षिण मुंबई मतदारसंघाची जागा त्यांच्यासाठी फायदेशीर ठरणार असल्याची चिन्हे आहेत, असं राजकीय वर्तुळात बोलले जात आहे. या जागेसाठी मनसेकडून बाळा नादगांवकर यांना उमेदवारी मिळण्याची शक्यता आहे.काही दिवसांपासून राज ठाकरेंच्या उपमुख्यमंत्री देवेंद्र फडणवीस यांच्यासोबतच्या बैठका वाढल्या होत्या. त्यामुळे ते भाजपाला पाठिंबा देणार असल्याची शक्यता वर्तवण्यात येते. राज ठाकरे आज दिल्लीत दाखल झाले असून ते उद्या अमित शाहांसह अनेक वरिष्ठ नेत्यांची भेट घेतील. या भेटीनंतर ते काय निर्णय जाहीर करतात याकडे सर्वांचे लक्ष लागले आहे.
