नागपूर : नागपुरातील शासकीय वैद्यकीय महाविद्यालय व रुग्णालयातील भोंगळ कारभार पुन्हा एकदा सामोरे आला आहे. या विरोधात महाराष्ट्र नवनिर्माण सेनेने आक्रमक पवित्रा घेतला असून थेट मेडिकलच्या अधिष्ठातांना जाब विचारला.
मनसेकडून गुरुवारी नागपुरातील मेडिकल रुग्णालयातील गैरसोयीबाबत निदर्शने करण्यात आली. मेडिकलमध्ये पर्याप्त औषधींचा साठा असतानाही रुग्णांना डॉक्टर औषधांची चिठ्ठी देतात. गरीब रुग्णांकडे आधीच पैशांचा आभाव आहे. मात्र तरीही त्यांना औषधा बाहेरून आणायला लावल्या जात असल्याच्या तक्रारी आहे.
Gold Rate
Sept 17,2026 - Time 10.30Hrs
यासह अनेक मुद्दे मनसेच्या पदाधिकाऱ्यांनी अधिष्ठातांच्या समोर मांडले. यादरम्यान आंदोलक-अधिष्ठातांमध्ये शाब्दिक चकमक झाल्याने तणाव निर्माण झाला होता. आंदोलकांमध्ये मनसेचे शहर अध्यक्ष विशाल बडगे, चंदू लाडे, आदित्य दुरूगकर, दिलीप गायकवाड, उमेर बोरकर, शशांक गिरडे, गौरव पुरी, अंकित झाडे, प्रशांत निकम, उमेश उतखेड, चेतन बोरकुटे, अभिषेक माहुरे यांच्यासह इतरही पदाधिकाऱ्यांचा समावेश होता.
